ნიკოლოზ ბასილაშვილის და ნელი დოროყაშვილის გახმაურებული სასამართლო პროცესი დასრულდა, ჩოგბურთელი გაამართლეს. ნიკოლოზ ბასილაშვილს ბრალი ფიზიკური ძალადობის 4 და ფსიქოლოგიური ძალადობის 1 ეპიდოზე ედებოდა.
გუშინ, თბილისის საქალაქო სასამართლოში ფსიქოლოგიურ და ფიზიკურ ძალადობაში ბრალდებული ჩოგბურთელის, ნიკოლოზ ბასილაშვილის საქმის დასკვნითი სხდომა გაიმართა, დღეს კი მას განაჩენი გამოყტტანეს და უდანაშაულოდ სცნეს.
შეგახსენებთ, რომ საქართველოს პროკურატურამ ნიკოლოზ ბასილაშვილს ყოფილი მეუღლის მიმართ განხორციელებული ფიზიკური ძალადობის ფაქტზე ბრალდება საქართველოს სისხლის სამართლის კოდექსის 126-ე პრიმა მუხლის მე-2 ნაწილის „ბ“ ქვეპუნქტით წარუდგინა, რაც გულისხმობს ოჯახში ძალადობას არასრულწლოვანის თანდასწრებით. მოგვიანებით პროკურატურამ ბასილაშვილს ბრალდება დაუზუსტა და მას ძალადობის რამდენიმე ეპიზოდთან ერთად, ფსიქოლოგიურ და ეკონომიკურ ძალადობასაც ედავებოდა.
აღსანიშნავია ისიც, რომ 2020 წლის 21 მაისს, თბილისში, ავჭალის დასახლებაში, ნიკოლოზ ბასილაშვილმა ურთიერთშელაპარაკების ნიადაგზე, ყოფილი მეუღის ნელი დოროყაშვილის მიმართ ფიზიკური ძალადობა განახორციელა. სამართალდამცველებმა ნიკოლოზ ბასილაშვილი 2020 წლის 22 მაისს დააკავეს. სასამართლომ ბასილაშვილს აღკვეთის ღონისძიების სახით 100 000 ლარიანი გირაო შეუფარდა.
ნელი დოროყაშვილის ადვოკატი,ანა აბაშიძე, გუშინდელ სხდომაზე მომხდარ ფაქტზე სოციალურ ქსელში წერს და ამბობს, რომ რთულია ესეთ გარემოში ობიექტურობის შენარჩუნება.
ასევე იხილეთ ნელი დოროყაშვილის ემოციური ინტერვიუ ლელა წურწუმიასთან:
#OK! „პირველად ხელით ქორწილის დღეს შემეხო“ – ნელი დოროყაშვილის ემოციური ინტერვიუ ლელა წურწუმიასთან
