ჩვენი ჩემპიონის, მერაბ დვალიშვილის ქართული არდადეგები დასრულდა. მან შონ ო’მალის დამარცხების შემდეგ, ინფლუენსერ ნინა დრამასთან ერთად საქართველოს სხვადასხვა კუთხე მოიარა და დიდი გამარჯვება აღნიშნა.
მერაბი და ნინა ხშირად აღნიშნავენ, რომ ისინი ძალიან კარგი მეგობრები არიან. ვიდეოს, სადაც ერთად ვარჯიშობენ უამრავი მოწონება და გაზიარება აქვს.
View this post on Instagram
ნინა პირველად ესტუმრა საქართველოს და მეორე დღესვე გამოხატა აღფრთოვანება ქვეყნის მიმართ.
,,დიდი მადლობა უმშვენიერეს ქართველ ხალხს მხარდაჭერისა და გულთბილი მიღებისთვის. არასდროს მიგრძვნია ასეთი სიყვარული. ბედნიერებისგან ვტირი”. – წერს ნინა.
პირველ დღეებში თბილისის ქუჩები, ტრადიციული უბნები მოინახულეს და ქართული კერძები დააგემოვნეს.
ცხენზე ამხედრებული ნინა და მერაბი კიკეთიდან ულამაზეს კადრებს დებდნენ. დრამა აღნიშნავს, რომ ყველაზე მეტად, ცხენზე ჯირითი, ხინკალი და ქართველების დახვედრა დაამახსოვრდება.
ჩამოსვლიდან მეოთხე დღეს გურია მოინახულეს, სადაც ტრადიციული გურული ღვეზელი გამოაცხვეს და დოლიძის მარანში ღვინო დააგემოვნეს.
ამის შემდეგ მერაბი ნინასთან ერთად სამეგრელოს ესტუმრა, მარტვილის კანიონი დაათვალიერა და ელარჯის გაკეთებაში მიიღო მონაწილეობა.
ნინა დრამამ ატვირთა ვიდეო, სადაც ქართულ ცეკვებს სწავლობს და ფანდურზე დაკვრას ცდილობს. ის აღნიშნავს, რომ შეყვარებულია კულტურაზე და ეს მოგზაურობა მისთვის საჩუქარია.
“დიდი მადლობა მერაბს ამ თავგადასავლისთვის. შესანიშნავი დრო გავატარე. ძალიან მომენატრება ტრადიციული საჭმელი, კულტურა და ყველაზე მნიშვნელოვანი – ადამიანები. არასდროს დამავიწყდება ეს ყველაფერი” – წერს ინფლუენსერი.
ნინა მარი დანიელი, იგივე “ნინა დრამა”, 1988 წლის 27 დეკემბერს, ნიუ-იორკში დაიბადა. 2011 წელს სამოდელო კარიერა დაიწყო და 2017 წლის აპრილში Playboy-ის მოდელი გახდა. ამჟამად, ნინა კალიფორნიაში ცხოვრობს და კომედიურ ვიდეოებს ქმნის სოციალური ქსელებისთვის. დღეს ის ჟურნალისტი, ინფლუენსერი და UFC-ს პრომოუტერია.
შეგახსენებთ, რომ 8 ივნისს, მერაბმა UFC 316-ზე შონ ო’მალი დაამარცხა და ჩემპიონის ქამარი შეინარჩუნა. მერაბმა პირველად ჩემპიონობა სწორედ შონთან გამარჯვების შედეგად მოიპოვა შემდეგ კი ჩემპიონის ტიტული უმარ ნურმაგომედოვის დამარცხებით შეინარჩუნა.
