ქუთაისში, ზვიად გამსახურდიას ქუჩა, №25 – ში ბერმელის რიგით მეხუთე ფილიალი გაიხსნა.
2025 წელს, მიკროსაფინანსო ორგანიზაცია ბერმელი საუკუნის მეოთხედს მიითვლის. კომპანიაში საიუბილეო განწყობა განსაკუთრებით იგრძნობა.
ფილიალის მიზანია მომხმარებლებთან კიდევ უფრო დაახლოება და მათთვის საჭირო ფინანსურ სერვისებზე სწრაფი და ხარისხიანი წვდომის უზრუნველყოფა. ფილიალში შეგიძლიათ ისარგებლოთ ყველა იმ მომსახურებით, რასაც „ბერმელი“ ქვეყნის მასშტაბით გთავაზობთ:
- უზრუნველყოფილი და არაუზრუნველყოფილი სესხები;
- ავტოსესხი და სალიზინგო მომსახურება;
- ოქროთი უზრუნველყოფილი სესხი;
- ვალუტის კონვერტაცია;
- სხვა ფინანსური სერვისები მომხმარებლის საჭიროებაზე მორგებული პირობებით.
ახალი ფილიალი წარმოადგენს მომსახურების თანამედროვე სტანდარტებზე დაფუძნებულ სივრცეს, რომელიც განკუთვნილია, როგორც ფიზიკური პირებისთვის, ისე მცირე და საშუალო ბიზნესის წარმომადგენლებისთვის.
ჩვენთვის მნიშვნელოვანია, რომ ფინანსური ხელმისაწვდომობა არა მხოლოდ დედაქალაქში, არამედ რეგიონებშიც თანაბრად არსებობდეს. სწორედ ამიტომ, ვზრდით ფილიალების რაოდენობას და ვქმნით ახალ სამუშაო ადგილებს საქართველოს სხვადასხვა ქალაქში.
დღეისათვის ბერმელი წარმოდგენილია 24 ფილიალით და ემსახურება 150,000-ზე მეტ მომხმარებელს – იმავე პრინციპით, როგორც დაიწყო.
ბერმელის გუნდისთვის მნიშვნელოვანია მუდმივი განვითარება, სანდოობა და მომხმარებელზე ორიენტირებული მომსახურება.
