ბოლო წლებში კორეული თავის მოვლის კულტურა მსოფლიო მასშტაბით ნამდვილ ტრენდად იქცა – საქართველოც ამ ტალღის ერთ-ერთი აქტიური ნაწილი გახდა. „K-beauty“-ად ცნობილი მოვლის სისტემა, რომელიც კანის მრავალსაფეხურიან წმენდას, ღრმა დატენიანებასა და ნაზ, ბუნებრივ ინგრედიენტებზე დაფუძნებულ ფორმულებს ეყრდნობა, უკვე ყოველდღიური რუტინის ნაწილი ხდება.
საქართველოში კორეული კოსმეტიკის პოპულარობა სოციალური ქსელების გავლენით გაიზარდა. დღეს უკვე თბილისსა და ბათუმში რამდენიმე მსხვილი მაღაზია და ონლაინ პლატფორმა მუშაობს, რომლებიც ოფიციალურ და ორიგინალურ პროდუქციას სთავაზობენ მომხმარებელს.
COSRX
COSRX ერთ-ერთი ყველაზე ცნობილი კორეული skincare ბრენდია, რომელიც საერთაშორისო ბაზარზე 2013 წელს გამოჩნდა. მისი სახელწოდება ორი სიტყვიდან მოდის — Cosmetics + RX (prescription), რაც პირდაპირ მიუთითებს ბრენდის კონცეფციაზე: ეფექტური, მიზნობრივი და „დერმატოლოგიურ სტილზე“ დაფუძნებული კანის მოვლა.
COSRX ძირითადად ის ადამიანები იყენებენ, რომელთაც აწუხებთ:
- აკნე და პრობლემური კანი
- ცხიმიანი ან კომბინირებული კანი
- გაფართოებული ფორები
- არათანაბარი კანის ტექსტურა
- მგრძნობიარე კანი, რომელიც რეაგირებს აგრესიულ პროდუქტებზე
თუმცა ბრენდის ხაზებში ასევე არსებობს დამატენიანებელი და ანტი-ასაკობრივი პროდუქტებიც.
Beauty of Joseon
საქართველოში ბრენდის მოთხოვნა განსაკუთრებით გაიზარდა 2022 წლიდან, როცა K-beauty პროდუქტები უფრო ფართოდ გახდა ხელმისაწვდომი ონლაინ მაღაზიებსა და skincare ბუტიკებში.
ბრენდი განსაკუთრებით პოპულარულია იმ ადამიანებში, ვისაც აქვს:
- მუქი ლაქები და პიგმენტაცია
- არათანაბარი კანის ტონი
- მგრძნობიარე კანი
- დეჰიდრატირებული, „დაღლილი“ კანი
- მზის დაზიანების ნიშნები
თუმცა მისი მსუბუქი ფორმულების გამო, ის იდეალურია ყოველდღიური მოვლისთვისაც.
Laneige
Laneige ერთ-ერთი ყველაზე პოპულარული პრემიუმ კორეული ბრენდია, რომელიც კანის ინტენსიურ დატენიანებაზე ზრუნავს.
მისი Water Science ტექნოლოგია მიზნად ისახავს კანის ღრმა დატენიანებას და წყლის ბალანსის აღდგენას. ბრენდის ყველაზე ცნობილი პროდუქტია Lip Sleeping Mask.
#OK! TIRTIR – კორეული სილამაზის ახალი ეტალონი ოფიციალურად „ჯპს“-შია!
Skin1004
ბრენდი 2012 წელს, სამხრეთ კორეაში დაარსდა. მაშინ, როცა ბევრი კოსმეტიკური ხაზი რთულ, მრავალკომპონენტიან ფორმულებს ქმნიდა, Skin1004-ი საპირისპირო ფილოსოფიას მისდევს — „რაც ნაკლებია ინგრედიენტი, მით უფრო სუფთაა შედეგი“.
ყველაზე მნიშვნელოვანი თავისებურება სწორედ მისი მთავარი ინგრედიენტია – ბრენდი იყენებს მადაგასკარის ველური ცენტრელა.
იგი ერთ-ერთი ყველაზე კვლევადი მცენარეა დერმატოლოგიაში და გამოიყენება როგორც:
- კანის ბარიერის აღმდგენი
- ჭრილობების და გაღიზიანების დამამშვიდებელი
- სიწითლის შემცირების საშუალება
- აკნეს შემდგომი კვალის შესამსუბუქებელი
მისი მოქმედება განსაკუთრებით ეფექტურად ითვლება მგრძნობიარე, რეაქტიულ და აკნესკენ მიდრეკილ კანზე.
კორეული კოსმეტიკის ერთ-ერთი პოპულარული ბრენდია, რომელიც განსაკუთრებით ცნობილია თავისი მსუბუქი ტექსტურის მქონე ტონალური პროდუქტებითა და „ბუნებრივ ეფექტზე“ ორიენტირებული მაკიაჟით.
ბრენდი დიდ ყურადღებას აქცევს კომფორტსაც — პროდუქტები ხშირად მსუბუქია, ადვილად ისმევა და არ ქმნის მძიმე ფენას კანზე.
Mizon
Mizon ერთ-ერთი ყველაზე ცნობილი კორეული skincare ბრენდია, რომელიც წლებია აქტიურად არის წარმოდგენილი როგორც აზიურ, ისე ევროპულ ბაზარზე. მისი მთავარი მიმართულებაა კანის მოვლა — დატენიანება, აღდგენა და დაბერების პროცესის შენელება.
Mizon-ის პროდუქცია ხშირად მიიჩნევა „ფუნქციურ მოვლად” – ანუ კოსმეტიკად, რომელიც კონკრეტულ პრობლემაზე მუშაობს. მაგალითად, მშრალი კანი, არათანაბარი ტონი, წვრილი ხაზები ან კანის სტრუქტურის გაუმჯობესება.
Missha
Missha-ს ერთ-ერთი ყველაზე მნიშვნელოვანი წვლილი კოსმეტიკის ინდუსტრიაში BB cream-ის გლობალური პოპულარიზაციაა.
დღეს ბრენდი უკვე K-beauty ინდუსტრიის „კლასიკად“ ითვლება – ინარჩუნებს ტრადიციულ მომხმარებლებს და ამავდროულად აგრძელებს განვითარებას ახალი skincare ტრენდების მიმართულებით.
Missha-ს ერთ-ერთი ყველაზე ცნობილი ანტი-ასაკობრივი ხაზია Time Revolution Line. მისი მთავარი დანიშნულებაა:
- კანის ტექსტურის გაუმჯობესება
- ნაოჭების შემცირება
- კანის ელასტიურობის გაზრდა
Some By Mi
ბრენდი განსაკუთრებით პოპულარულია იმ ადამიანებში, ვისაც აქვს აკნე, გაფართოებული ფორები, ცხიმიანი კანი ან არათანაბარი ტექსტურა. ასუფთავებს, ამშვიდებს და ასწორებს კანის ზედაპირს.
Round Lab
მისი მსუბუქი ფორმულა იდეალურია მათთვისაც, ვინც skincare რუტინას ახლა იწყებს და უსაფრთხო პროდუქტებს ეძებს. ბრენდი ბაზარზე 2020 წელს გამოჩნდა.
ბრენდისთვის გარდამტეხი იყო მისი ერთ-ერთი ყველაზე ცნობილი პროდუქტის — Birch Juice Moisturizing Sunscreen-ის — ვირუსული გავრცელება. ეს SPF კრემი სწრაფად გახდა TikTok-ის ფავორიტი, რადგან აერთიანებს რამდენიმე თვისებას ერთ პროდუქტში: მსუბუქ ტექსტურას, მაღალ დაცვას და კანის დატენიანებას.
Purito
Purito ძირითადად ორიენტირებულია კანის ბარიერის დაცვასა და აღდგენაზე. მისი ერთ-ერთი მთავარი მიმართულებაა მგრძნობიარე კანის მოვლა — განსაკუთრებით იმ ადამიანებისთვის, ვისაც აწუხებს სიწითლე და გაღიზიანება.
ბრენდი განსაკუთრებით ცნობილია თავისი SPF პროდუქტებითა და დამამშვიდებელი ხაზებით. ერთ-ერთი ყველაზე პოპულარულია Daily Go-To Sunscreen, რომელიც გამოირჩევა მსუბუქი ტექსტურით და ყოველდღიური გამოყენებისთვის კომფორტული ფორმულით.
ასევე დაგაინტერესებთ:
#OK! TIRTIR – კორეული სილამაზის ახალი ეტალონი ოფიციალურად „ჯპს“-შია!
#OK! No Makeup Makeup – როგორ შეცვალა ბუნებრიობამ თანამედროვე სილამაზის სტანდარტები
