გურჯაანში, ნატო ვაჩნაძის სახლ-მუზეუმში, კინოდაჯილდოება „ელისოს“ გამარჯვებულები დასახელდნენ. ღონისძიება, რომელიც უკვე მესამე წელია ტარდება, ქართული კინოს განვითარებასა და თანამედროვე კინემატოგრაფისტების მხარდაჭერას ემსახურება.
წელს გამარჯვებულები საერთაშორისო და ქართველი კინოპროფესიონალებით დაკომპლექტებულმა ჟიურიმ გამოავლინა. მთავარი ჯილდო — წლის საუკეთესო ფილმის ტიტული — ალექსანდრე კობერიძის ნამუშევარმა „ხმელი ფოთოლი“ მოიპოვა.
ის 2025 წლის ექსპერიმენტული საგზაო ფილმია, რომელშიც მთავარ როლს დავით კობერიძე ასრულებს. სიუჟეტი მამის შესახებ მოგვითხრობს, რომელიც დაკარგული ქალიშვილის ძიებას საქართველოს სოფლებში ცდილობს.
ფილმის მსოფლიო პრემიერა 2025 წლის 13 აგვისტოს ლოკარნოს 78-ე კინოფესტივალზე გაიმართა.
საუკეთესო მსახიობის ჯილდო კი ნინი იაშვილს გადაეცა ფილმში „ქალაქის ხმაური“ შესრულებული როლისთვის. წარმატებას თუმანიშვილის თეატრიც გამოეხმაურა და მსახიობს გამარჯვება საჯაროდ მიულოცა.
2026 წლის კინოდაჯილდოება „ელისოს“ გამარჯვებულები:
- საუკეთესო ფილმი — „ხმელი ფოთოლი“, რეჟ. ალექსანდრე კობერიძე
- საუკეთესო რეჟისორი — თამარ კალანდაძე, ჟიულიენ პებრელი („ქართლის ცხოვრება“)
- სპეციალური აღნიშვნა (რეჟისურა) — ქეთევან ვაშაგაშვილი („ცხრათვიანი კონტრაქტი“)
- საუკეთესო მსახიობი — ნინი იაშვილი („ქალაქის ხმაური“)
- სპეციალური აღნიშვნა (მსახიობი) — ტატო ოქრიაშვილი, საბა წიკლაური, რატი აბრამიშვილი („მილი“)
- საუკეთესო ოპერატორი — შალვა სოყურაშვილი („მილი“)
- საუკეთესო მონტაჟი — ანკა გუჯაბიძე, ლევან ბუთხუზი („თემორე“)
- საუკეთესო კინომუსიკა — კოტე კალანდაძე („არავინ არ ჩანს“)
- ნატო ვაჩნაძის პრემია — ნათელა გრიგალაშვილი (ფოტოგრაფიაში შეტანილი განსაკუთრებული წვლილისთვის)
