კიმ კარდაშიანი ამერიკელი მედია პერსონა, მეწარმე და ბიზნესვუმენია, რომელმაც პოპულარობა რეალითი შოუს Keeping Up with the Kardashians-ის მეშვეობით მოიპოვა. დღეს იგი ცნობილია როგორც მრავალმილიარდიანი ბრენდების დამფუძნებელი და თანამედროვე გავლენიანი ფიგურა პოპ კულტურაში.
კიმ კარდაშიანის ისტორია მოდის სივრცეში 2006 წელს DASH Boutique-თან ერთად დაიწყო. ეს იყო დები კარდაშიანების კიმის, კორტნის, და ქლოის პირველი საერთო ბიზნესი.
2019 წელს კიმ კარდაშიანმა მისი ყველაზე ცნობილი ბრენდი SKIMS შეიქმნა. ბრენდი ქმნის ქალისა და მამაკაცის საცვლებსა და საღამურებს. SKIMS-ის ყველაზე ცნობილი პროდუქტი ქალის ფორმის შემანარჩუნებელი საცვლებია, რომლებიც პოპულარობას დღემდე არ კარგავს. ბრენდი განსაკუთრებულ ყურადღებას ამახვილებს სხეულის მიმართ პოზიტიურ დამოკიდებულებაზე. SKIMS-ის პროდუქცია ჩაშვებიდან პირველ 10 წუთში სრულად ამოიყიდა, ხოლო პირველივე წელს ბრენდმა ჯამში სამ მილიონზე მეტი ერთეული გაყიდა. კომპანია 2025 წლის ნოემბრის მონაცემებით 5 მილიარდ დოლარად არის შეფასებული.
SKIMS-ის გარდა, კიმ კარდაშიანს სილამაზის მიმართულებით კიდევ ორი ბრენდი ჰქონდა — KKW Beauty (დაარსდა 2017 წელს) და SKKN BY KIM (2022 წელი). KKW Beauty-მ მნიშვნელოვანი კომერციული წარმატება მოიპოვა; კომპანიის 20% კოსმეტიკურმა გიგანტმა Coty-მ დაახლოებით 200 მილიონ დოლარად შეიძინა, რაც ბრენდის მილიარდიან შეფასებას უსვამდა ხაზს. მიუხედავად წარმატებისა, ორივე პროექტის საქმიანობა ამ ეტაპზე შეჩერებულია, რადგან კარდაშიანი ძირითად ყურადღებას SKIMS-ის განვითარებაზე ამახვილებს და მომავალში სილამაზის ხაზის დაბრუნებას სწორედ ამ ბრენდის ქვეშ გეგმავს.
SKIMS-მა 2022 წელს დაახლოებით 500 მილიონი დოლარის შემოსავალი მიიღო, ხოლო 2023 წელს ეს მაჩვენებელი თითქმის 750 მილიონ დოლარს მიუახლოვდა. მას შემდეგ კომპანიის წლიურმა წმინდა გაყიდვებმა 1 მილიარდ დოლარს გადააჭარბა, გაიხსნა ათზე მეტი საცალო მაღაზია ამერიკის შეერთებული შტატების მსხვილ ქალაქებში და დაიწყო მაღალი ხილვადობის კოლაბორაცია NikeSkims-ის სახელით, რომელიც მომავალში ფეხსაცმელსა და აქსესუარებზეც გავრცელდება.
კიმ კარდაშიანმა Forbes-ის 2025 წლის მსოფლიოს ყველაზე გავლენიანი ქალების სიაში 71-ე ადგილი დაიკავა და მოხვდა 2025 წლის მილიარდერების სიაშიც 1.7-დან 1.9 მილიარდ დოლარამდე ქონებით, რაც ძირითადად მისი ბრენდ Skims-ის დამსახურებაა.
დღეს, კიმ კარდაშიანი არა მხოლოდ რეალითი შოუს ვარსკვლავი, არამედ ძლიერი ბიზნესვუმენია, რომელმაც საკუთარი პერსონალური ბრენდი მრავალმილიარდიან ბიზნეს იმპერიად აქცია და გავლენა მოახდინა როგორც მოდის, ისე სილამაზის თანამედროვე ინდუსტრიაზე.
