ქუთაისის ისტორიულ გულში, მეფეთუბნად წოდებულ უბანში, 200 წლის წინ აშენებულ, არქიტექტურული ძეგლის სტატუსის მქონე სახლში დღეს Hotel Babu Kutaisi სტუმრებს მასპინძლობს. საოჯახო სასტუმრო, რომელიც 2025 წლის 11 ივლისს გაიხსნა, ჯამში 9 ნომერს აერთიანებს, მისი მთავარი ღირებულება ოჯახური, თბილ გარემოა. სტუმრები ხშირად აღნიშნავენ, რომ ისინი სასტუმროში კი არა, საკუთარ სახლში გრძნობენ თავს. ქალაქის მთავარ გულში მდებარე Hotel Babu-ს განსაკუთრებულს ხდის სახლში მომზადებული საუზმე, რომელსაც ოჯახის დიასახლისი ყოველდღიურად ამზადებს. სწორედ ისტორიული მდებარეობა, ქართული სტუმარ-მასპინძლობა და თითოეულ სტუმარზე ინდივიდუალურად მორგებული ყურადღება ქმნის სასტუმროს უნიკალურ ხასიათს და აქცევს მას ადგილად, რომელსაც სტუმრები არა მხოლოდ პირველად ირჩევენ, არამედ ხშირად მეორედაც უბრუნდებიან.
როგორ დაიწყო Hotel Babu Kutaisi-ის ისტორია? როდის გაიხსნა სასტუმრო და რა იყო მისი შექმნის მთავარი მიზანი?
სასტუმრო „ბაბუს“ შექმნის ისტორია დაიწყო 2 წლის წინ, როდესაც ჩვენმა ოჯახმა გადაწყვიტა ქ.ქუთაისში, პუშკინის ქუჩაზე #9 ნომერში მდებარე საცხოვრებელი სახლის რეკონსტრუქცია და საოჯახო ტიპის სასტუმროს გახსნა. აღნიშნულ სახლში ჩვენი ოჯახი 1995 წლიდან ცხოვრობს, სახლი აშენებულია დაახლოებით 200 წლის წინ და აქვს არქიტექტურული ძეგლის სტატუსი. რეკონსტრუქციის სამუშაოები დაახლოებით 1 წელი გაგრძელდა და 2025 წლის 11 ივლისს პირველ სტუმარს ვუმასპინძლეთ. სასტუმროს მხოლოდ ჩვენი ძალებით ვამუშავებთ, ოჯახის თითქმის ყველა წევრი დაწყებული უფროსებიდან დამთავრებული შვილიშვილებით , ჩართულები ვართ სასტუმროს ოპერირებაში.
თავად სახელი „ბაბუ“ , ოჯახის საერთო გადაწყვეტილებით შეირჩა. მამას – მურადი აფულავას მოფერებით ოჯახის წევრები და ახლო მეგობრები „ბაბუს“ ეძახიან. მას შემდეგ, რაც ჩვენ ოჯახში შვილიშვილები მარიამ და ნიკოლოზ აფულავები დაიბადნენ, მამას სურვილით, სწორედ შვილიშვილებისთვის და მომავალი თაობისთვის გაკეთდა სასტუმრო და ვინაიდან ყველაზე დიდი როლი სასტუმროს აშენებაში მამას მიუძღვის , გადავწყვიტეთ სახელი სწორედ „ბაბუ“ ყოფილიყო. იმის გამოსახატად , რომ ეს არ იყო უბრალოდ ბიზნესი, ეს არის სიყვარულის და სითბოს გამოხატულება.
ზოგადად სახელი „ბაბუ“ მარტივი სიტყვაა და ყველა ენაზე მოლაპარაკე ადამიანისთვის ადვილად წარმოსათქმელი და დასამახსოვრებელია და ის ფაქტი, რომ სასტუმროს ოჯახის წევრები ვმართავთ, სტუმრებისთვის ძალიან სასიამოვნო ფაქტია, თითქმის 200-ზე მეტი შეფასება გვაქვს დღესდღეისობით სხვადასხვა პლატფორმაზე, სადც 99% დადებითია და სტუმრები აღნიშნავენ, რომ თავს არა სასტუმროში, არამედ საკუთარ სახლში გრძნობენ.
გვესაუბრეთ სასტუმროს შესახებ – რამდენ ნომერს აერთიანებს Hotel Babu Kutaisi და რა ტიპის ოთახებს სთავაზობთ სტუმრებს? რა პირობებია შექმნილი მათი კომფორტისთვის?
სასტუმროში ამ ეტაპზე გვაქვს 9 ნომერი, აქედან 8 ნომერი გათვლილია 2 სტუმარზე , ხოლო ერთი ნომერი 3 სტუმარზე. ყველა ნომერს აქვს აივანი საიდანაც ქალაქის ხედები იშლებება. ჩვენ სტუმრებს ვთავაზოვთ საუზმეს,რომელზედაც ჩვენი სტუმრები განსაკუთრებით დადებითად საუბრობენ, რადგან საუზმეს სტუმრებს ყოველ დილით დედა , ლაურა რობაქიძე უმზადებს და მოგეხსნებათ ქართული სტუმარ-მასპინძლობის ამბავი, დედა ყოველთვის ცდილობს სტუმრები ყოველთვის კმაყოფილი დარჩნენ.
რა სერვისებს სთავაზობს სასტუმრო სტუმრებს? გარდა განთავსებისა, რა შესაძლებლობებით შეუძლიათ მათ სარგებლობა?
ამ ეტაპზე, განთავსების და საუზმის გარდა, სტუმრებს ვთავაზობთ სამოგზაურო ტურებს საქართველოს სხვადასხვა რეგიონში, აღსანიშნავია, რომ ამ ტურებს ჩვენი მეგობრები ახორციელებენ, რომლებსაც ჩვენ ვუწევთ რეკომენდაციას. სასტუმრო ქუთაისში მდებარეობს, რომელიც ტურისტებისთვის სულ უფრო პოპულარული მიმართულება ხდება. რამდენად მნიშვნელოვანია თქვენი მდებარეობა და რა ადგილების მონახულებას ურჩევთ თქვენს სტუმრებს? სასტუმრო მდებარეობს ქ.ქუთაისის ისტორიულ უბანში, რომელსაც „,მეფეთუბანი“ , ანუ სამეფო უბანი ეწოდება. ჩვენი სასტუმროს მოპირდაპირე მხარეზე არის ისტორიული შენობა, სადაც ეროვნული მუზეუმია განთავსებული, თუმცა 2000 იან წლებში აქ ეროვნული ბანკის ფილიალი იყო. ჩვენი სასტუმროდან საფეხმავლო დისტანციაზეა ქალაქის მთავარი მოედანი სადაც ცნობილი კოლხური შადრევანია განთავსებული, ასევე ცენტრალური პარკი, ზაქარია ფალიაშვილის სახელობის თეატრი, ოპერის თეატრი , თეთრი ხიდი , ჯაჭვის ხიდი, ბაზარი , კინოთეატრი, კაფე-ბარები და რესტორნები, სტუმართა უმეტესობა, სწორედ ადგილმდებარეობის გამო ირჩვევს ჩვენ სასტუმროს ქუთაისში დასარჩენად. ვინაიდან მათ ქალაქის მთავარი ღირსშესანიშნავი ადგილების მონახულებისთვის ტრანსპორტი აღარ სჭირდებათ.
ვინ არიან თქვენი ძირითადი სტუმრები? ძირითადად უცხოელი ტურისტები გსტუმრობენ თუ ქართველი დამსვენებლებიც აქტიურად ირჩევენ Hotel Babu Kutaisi-ს?
ჩვენი სასტუმროს ძირითადი სტუმრები ევროპელი ტურისტები არიან, თუმცა გყავდა სტუმრები არგენტინიდან, პერუდან, აშშ-დან, ახალი ზელანდიიდან , ავსტრალიიდან და აზიური ქვეყნებიდან, რა თქმა უნდა ქართველი დამსვენებლებიც ხშირად გვსტუმრობენ და მათი უმეტესობა ჩვენი რეგულარული მომხმარებელი გახდა.
რა არის ის მთავარი უპირატესობა, რის გამოც სტუმრები Hotel Babu Kutaisi-ს ირჩევენ და ხშირად განმეორებითაც სტუმრობენ?
ჩვენი მთავარი უპირატესობა არის პირველ რიგში ადგილმდებარეობა, სტუმართმოყვარეობა, იმ გრძნობის გაჩენა სტუმრებში, რომ ისინი არა სასტუმროში არამედ სახლში ან ახლო ნათესავთან რჩებიან, სახლში მომზადებული საუზმე კი ამ გრძნობას უფრო ამძაფრებს. გარდა ამისა უნდა აღინიშნოს ის ფაქტი, რომ მიუხედავად შეზღუდული ფართისა, ოთახები საკმაოდ კომფორტული და მყუდრო გამოვიდა. ყველაფერი ერთად ჩვენ სასტუმროს სტუმრებისთვის საყვარელ ადგილად აქცევს.
როგორია სასტუმროს გუნდი და რამდენად მნიშვნელოვანია თქვენთვის სტუმართან ინდივიდუალური მიდგომა? რას აკეთებთ იმისთვის, რომ სტუმარმა თავი კომფორტულად იგრძნოს?
როგორც ზემოთ არაერთხელ აღვნიშნე, სასტუმროს ოჯახის წევრები ვმართავთ. სასტუმრო განთავსებულია ისეთ საერთაშრისო პლატფორმებზე როგორიცაა booking.com, expedia.com, hotels.com და ა.შ. საიტებზე ჯავშნების მიღებას და მათ ორგანიზებას ძირითადად მე ვახდენ, დედა და მამა ქუთაისში სასტუმროს შენობაშივე ცხოვრობენ და უმასპინძლდებიან სტუმრებს, შესაბამისად ყველა სტუმარს არა როგორც კლიენტს, არამედ როგორც სტუმარს ისე ვუდგებით, მაქსიმალური ყურადღებით ვცდილობთ მათ თავი კომფორტულად ვაგრძნობინოთ. გარდა ღამის გათევისა, ყოველთვის ვცდილობთ მათ ნებისმიერ საჭროებას ყურადღებით მივუდგეთ, ხშირად ვურჩევთ სხვადასხვა ადგილს სად შეიძლება წავიდნენ , რა შეიძლება ნახონ, სად მიირთვან გემრიელად და ასევე საღამოს კარგ მუსიკას მოუსმინონ.
რა გეგმები და სიახლეები გაქვთ სამომავლოდ? როგორ იგეგმება სასტუმროს განვითარება?
ამ ეტაპზე ვგეგმავთ კიდევ მეტი ვისწავლოთ, რათა მაქსიმალურად პროფესიონალურად ვმართოთ სასტუმრო. ასევე კიდევ უფრო გავალამაზოდ როგორც სასტუმროს ინტერიერი ასევე ექსტერიერი.
და ბოლოს რა არის ის ერთი მთავარი მიზეზი, რის გამოც სტუმარს Hotel Babu Kutaisi-ის არჩევას ურჩევდით?
მაქსიმალურად ობიექტურები, რომ ვიყოთ მთავარი მიზეზი, რის გამოც სტუმერებს ვურჩევთ გვესტუმრონ სასტუმრო „ბაბუში“ არის პირველ რიგში ჩვენი ადგილმდებარეობა,ქალაქის ამ უბანში ალბათ ყველაზე კარგად იგრძნობა ქუთაისის თავისებურობები და სული. ასევე იმის გათვალისწინებით, რომ ყველა სტუმარს მაქსიმალური სითბოთი და ყურადღებით ვუდგებით, სტუმრები თავს სახლში იგრძნობენ.
საკონტაქტო:
ქ.ქუთაისი, პუშკინის ქუჩა #9
+995 599203000
[email protected]
https://www.facebook.com/share/19ct8QPSoo/?mibextid=wwXIfr
