გუშინ, „ფორმლას“ ეთერში, გადაცემა „მე-17 სართულის“ მსვლელობისას, მწერალი დათო ტურაშვილი შეუძლოდ გახდა და მოუწიათ მისი სასწრაფოდ საავადმყოფოში გადაყვანა, გიორგი კეკელიძის ინფორმაციით მას სტენოკარდიული შეტევა ჰქონდა.
„ახლა ვესაუბრე მაკა კეკელიძეს, დათო ტურაშვილის მეუღლეს. დათო, ძლიერი ნერვული და სავარაუდოდ, სტენოკარდიული შეტევის გამო, სასწრაფოდ გადაიყვანეს კლინიკაში. ტურაშვილს უმძიმესი ინფარქტი აქვს გადატანილი, დღევანდელი შეტევა კი რამ გამოიწვია, მგონი რთული მისახვედრი არ უნდა იყოს. “
რადიო თავისუფლებას, დათო ტურაშვილის შვილი, ანიკო ტურაშვილი ესაუბრა და თქვა, რომ ახლა მამამისის მდგომარეობა სტაბილურია:
“მამაჩემი კლინიკაში წევს, აკვირდებიან, ჯერჯერობით ნორმალურად არის, სტაბილურად. დედაჩემი არის შიგნით მასთან და ყველას დიდ მადლობას გიხდით გვერდში დგომისთვის, დედაჩემიც და მამაჩემიც.
ფორმულას ეთერიდან, გადაცემა “მე-17 სართულიდან”, სადაც ძალიან ინერვიულა ბოლოდროინდელი ამბებიდან გამომდინარე, პირდაპირ გადაიყვანეს კლინიკაში, მაგრამ კარგი ხალხი მკურნალობს და ყველაფერი კარგად იქნება.
ისევ გავიმეორებ, რომ არ გვეშინია, არასოდეს შეგვშინებია მე და ჩემს ოჯახს და თავი დაგვანებეთ. ტროლები რასაც წერენ და მწერენ, არაფერია იმასთან შედარებით, რასაც კარგი ადამიანები მწერენ და გვამხენევებნ და ეს ყველაზე მნიშვნელოვანია, დიდი მადლობა ყველას”.
იხილეთ გადაცემა სრულად:
