#OK! 22 იანვარს, ახალი წელი და ახალმთვარეობა ერთმანეთს ემთხვევა – რას უნდა ველოდეთ ამ წლისგან?

დადგა, სასწაულებრივი დღეც, როდესაც ახალი წელი – ახალ მთვარეობას ემთხვევა, რაც ძალიან მნიშვნელოვანი ენერგიების შემოსვლას მოასწავებს სამყაროში. ნამდვილი ახალი წელი ჩინური კალენდრით 22 იანვარს დგება. კატა-კურდღლის წელი მოდის, რომელსაც ფემინური ენერგია მოაქვს. ლეგენდის თანახმად, წყლის კურდღელი მთვარეზე ცხოვრობდა და თავიდან ბოლომდე ფემინური ენერგიით არის მოცული.

დღეს, შეგიძლიათ ყველაზე მნიშვნელოვანი სურვილები ჩაუთქვათ და განეწყოთ პოზიტიურად. არაა აუცილებელი, სუფრა დახუნძლოთ კერძებით. მთავარია გარემო, რა სახის ენერგიებს გაცვლით − ესაა კურდღლისთვის მნიშვნელოვანი. მანდარინი მიიჩნევა სიუხვის სიმბოლოდ და კარგი იქნება, თუ სუფრაზე მანდარინი გექნებათ.

ასტროლოგმა ანი ანთაძემ #OK! -ს მკითხველებს შემდეგი სახის რიტუალი ურჩია:

„ნებისმიერ სითხეს, რომელსაც იმ საღამოს დალევთ, მოურიეთ დარიჩინის ჩხირით საათის ისრის მიმართულებით. შეგიძლიათ სურვილების ვიზუალიზაციაც გააკეთოთ − ჭიქა მარცხენა ხელში დაიჭირეთ და დალევის დროს წარმოიდგინეთ, როგორ გისრულდებათ ეს სურვილი. მარტივი და ჯადოსნური ტექნიკაა, რომლის გაკეთება ყველას შეუძლია.“ 

ახალი მთვარის მთავარი დანიშნულება არის ის, რომ ის საკუთარი ცხოვრების წარმართვის საშუალებას გვაძლევს. გასათვალისწინებელია ყველაფერი, რისი გაკეთებაც ახალი მთვარის პერიოდში შეგიძლიათ:

მომდევნო თვის გეგმების შედგენა;

სხვადასხვა ორგანიზაციული საკითხის გადაჭრა

ქველმოქმედება;

მივლინებაში წასვლა და მოგზაურობა;

უძრავ ქონებასთან დაკავშირებული საკითხების მოგვარება;

ჭარბწონიანობის მოგვარება;

და არ დაგავიწყდეთ, რომ ახალი მთვარე იდეალური დროა სურვილების ასასრულებლად.

ახალ მთვარეს უარყოფითი ასპექტებიც გააჩნია:

არ წამოიწყოთ კამათი – ნებისმიერი ჩხუბი შეიძლება სერიოზული კონფლიქტით დასრულდეს;

ფულთან დაკავშირებით ფრთხილად უნდა იყოთ – არ ისესხოთ და არ გაასესხოთ;

უარი თქვით ხელისუფლების წარმომადგენლებთან კომუნიკაციაზე;

განდევნეთ ცუდი აზრები – მათ შეუძლიათ სერიოზულად გააფუჭონ თქვენი განწყობა და დეპრესიაც კი გამოიწვიო

იყავით უკიდურესად ფრთხილად – შეგიძლიათ მიიღოთ სერიოზული ფიზიკური დაზიანება და ასევე არსებობს ქრონიკული დაავადების გამოვლენის რისკიც.

ახალი მთვარის პერიოდში სუსტი იმუნური სისტემა გექნებათ – ორგანიზმი ახლა იწყებს ენერგიის დაგროვებას. ამიტომ, ამ დღეს ზედმეტი არ იშრომოთ, თავი შეიკავეთ ალკოჰოლისგან და უარი თქვათ ცხარე საკვებზე.

ასევე იხილეთ:

#OK! რა გველის 2023 წელს