ცნობილი მილიარდერის ჯეფ ბეზოსის და ლორენ სანჩესის რამდენიმე დღიანმა ქორწილმა სტარტი ვენეციაში, ვარსკვლავთცვენით აიღო. მთავარი გმირები უკვე ადგილზე არიან. ასევე, კამერების ობიექტივში კარდაშიანები, კრის ჯენერი ოპრა უინფრი, ივანკა ტრამპი ოჯახთან ერთად, იორდანიის დედოფალი რანია მოხვდა.
ჯეფ ბეზოსისა და ლორენ სანჩესის ქორწილში ორლანდო ბლუმიც გამოჩნდა, რომელიც მარტო ჩამოვიდა და პირდაპირ Gritti-ს სასტუმროს მიაშურა, სადაც Canal Grande-ზე გადაშლილ ტერასაზე ისადილა. იქ შეხვდა კარდაშიანებს და დიზაინერ დომენიკო დოლჩეს, რომელმაც ქორწილისთვის რამდენიმე სამოსი შეკერა.
View this post on Instagram
ამასობაში, სან მარკოს მოედანზე გარემოსდამცველი მოძრაობის, Extinction Rebellion-ის აქტივისტები ბანერებით შეიჭრნენ.
„ჩვენ არ ვითხოვთ შემოწირულობებს, ვითხოვთ სისტემას, რომელიც დასჯის მათ, ვინც პლანეტას არ უფრთხილდება” – განაცხადეს აქტივისტებმა.
Reuters -ის ცნობით, Amazon -ის დამფუძნებლის, ჯეფ ბეზოსისა და მისი საცოლის – ლორენ სანჩეზის ქორწილი, რომელიც ვენეციაში გაიმართება, 45-იდან 55 მილიონ დოლარამდე ჯდება.
შეგახსენებთ, რომ ,,საუკუნის ქორწილს” 29 ივნისს 200 ადამიანი დაესწრება. ცერემონია სამი დღის მანძილზე გაგრძელდება.
