ფილიპისა და ელიზაბეთის ლეგენდალური წყვილი ქორწინებაში 73 წლის განმავლობაში იმყოფებოდა, ისინი გახდნენ პირველები ბრიტანეთის სამეფო ოჯახის ისტორიაში, რომელთაც ერთად ყოფნის 70 წლისთავი აღნიშნეს.
წარმოგიდგენთ საზოგადოებისთვის ნაკლებად ცნობილ ფაქტებსა და მნიშვნელოვან დეტალებს პრინცი ფილიპის და დედოფალი ელიზაბეტის ცხოვრებიდან:
ალბათ, წლების გასვლის შემდეგაც კი უცნობია ბევრი ადამიანისთვის ის ფაქტი, რომ სამეფო ოჯახის ყველაზე პოპულარული წყვილი ერთმანეთისთვის შორეული ნათესავები, კონკრეტულად კი დედოფალ ვიქტორიას შვილთაშვილები არიან.
18 წლის პრინცი ფილიპი ბრიტანეთის სამეფო საზღვაო კოლეჯში კადეტი იყო, როდესაც 13 წლის ელიზაბეთს ქორწილში პირველად შეხვდა. როგორც სამეფო ოჯახთან დაახლოებული წყარო აღნიშნავდა, მომავალ დედოფალს იმჟამინდელი პრინცი ერთი ნახვით შეუყვარდა.
დედოფალ ელიზაბეთზე დასაქორწინებლად პრინცმა ფილიპმა საკუთარ ტიტულზე უარი თქვა. შეყვარებულმა წყვილმა ნიშნობა 1947 წლის ივლისში გამოაცხადა, ურთიერთობა კი იმავე წლის 20 ნოემბერს ვესტმინსტერის სააბატოში ქორწილით დააგვირგვინა.
ედინბურგის ჰერცოგი სამეფო ოჯახის ისტორიაში ყველაზე დიდხანს ემსახურებოდა ბრიტანულ კონსორტს, საკუთარი კარიერული განვითარების პარალელურად კი დედოფალი ელიზაბეთის წინსვლაზეც ზრუნავდა. სამეფო ოჯახთან დაახლოვებული წყაროები ხშირად აღნიშნავდნენ, რომ მონარქის ნაბიჯები მეუღლესთან ერთად წინასწარ გათვლილი, შეთანხმებული და გააზრებული იყო. 1997 წლის 20 ნოემბერს ქორწინების 50 წლის იუბილესთან დაკავშირებით გამართულ წვეულებაზე დედოფალმა ელიზაბეთმა განაცხადა, რომ პრინცი ფილიპი მისთვის მამოძრავებელ ძალას წარმოადგენდა, რომელიც წლების განმავლობაში მის გვერდით იყო.
XXI საუკუნეში შესაძლოა ბევრი ადამიანისთვის წარმოუდგენლად ჯღერს, თუმცა ედინბურგის ჰერცოგი და დედოფალი ელიზაბეტი ბევრის ადამიანისთვის წმნინდანებთან ასოცირდება.
მაგალითად, პრინცი ფილიპი კუნძულ ტანას მოსახლეობისვის დღემდე ღმერთად ითვლება, ეს არის წყნარი ოკეანის სამხრეთ-დასავლეთ ნაწილში მდებარე ვანუატუს ერთ-ერთი კუნძული, რომლის მოსახლეობამაც წინაპარი ღმერთების შვილის რწმენის გავლენით ჩამოაყალიბა “პრინცი ფილიპის მოძრაობა”, რომელიც მსოფლიოს ერთ-ერთი ყველაზე უცნაური რელიგიური კულტია.
ედინბურგის ჰერცოგი თავისუფლად საუბრობდა ინგლისურ, ფრანგულ და გერმანულ ენებზე, თუმცა, როგორც თავად აღნიშნავდა, ასევე შეეძლო ბერძნული ენის მინიმალურ დონეზე გაგება და გააზრება. პრინცი ფილიპის მრავალმხრივი ნიჭისა და შესაძლებლობების პარალელურად უცხოური გამოცემების, ტაბლოიდებისა და საზოგადოების ყურადღების ცენტრში ხშირად არა სამეფო ოჯახის წევრის მიღწევები, არამედ მისი იუმორის გრძნობა ექცეოდა, რომელიც, როგორც უმეტესობა აღნიშნავდა, ყოველთვის ყველასგან გამორჩეული, სხარტი, ამავდროულად კი ინტელექტუალური, სახალისო და ოდნავ „ბოროტულიც“ კი იყო.
2017 წლის 2 აგვისტოს ჯანმრთელობის მდგომარეობის გაუარესების გამო პრინცმა ფილიპმა განაცხადა, რომ საჯარო ვიზიტებისგან მაქსიმალურად შეიკავებდა თავს და სამეფო ოჯახის ყოველდიურ ცხოვრებაში ვეღარ მოახერხებდა ჩართვას.
ბრიტანეთის ისტორიაში არსებული ყველაზე გრძელვადიანი სამეფო კონსორტი 2021 წლის 9 აპრილს გარდაიცვალა
ედინბურგის ჰერცოგი ზედმეტი გართულებების გარეშე, უინძორის სასახლეში, მშვიდად გარდაიცვალა.
