@jamietoutcheztoi – 328,4 k
Alice Barbier და JS Roques კიდევ ერთი ძალიან ცნობილი მოდის ინფლუენსერი წყვილია, რომელთა სტილი და ინდივიდუალიზმი ხშირად ზიარდება სოციალური ქსელების პლატფორმებზე. ისინი ძირითადად ცნობილები არიან Instagram-ზე, სადაც 2013 წელს შექმნეს საერთო პლატფორმა და ბოლომდე გადაეშვნენ მოდის სფეროში.
ელისი და ჟან სებასტიანი გამოირჩევიან თავიანთი დახვეწილი, მინიმალისტური და ზოგჯერ გიჟური სტილით, რომელიც აერთიანებს მოდასა და კომფორტს. მათი გემოვნებიანი და საინტერესო ლუქები ხშირად მოიცავს რეტრო ელემენტებსაც. არ უშინდებიან ექსპერიმენტებს და ყოველთვის ფერთა იდეალურ კომბინაციას გვთავაზობენ.
წყვილი არაერთ ცნობილ დიზაინერთან თანამშრომლობს და ისეთ ლუქს ბრენდებს უწევენ რეკლამას, როგორებიცაა – Fendi, Dior-ი, Maison Margiela, Louis Viuitton-ი და ა.შ.
მოდის ინფლუენსერობა და საერთო ინსტაგრამგვერდის მართვა მათი ძირითადი და მთავარი საქმიანობაა, რომელშიც ორივე ბოლომდეა ჩართული. ფიდის აწყობაზე უფრო მეტად ელისი ზრუნავს, ჟან სებასტიანი კი ტექნიკურ საკითხებს აგვარებს.
ამის პარალელურად, წყვილს თავისი ჰობი და ინტერესები გააჩნია. ხშირად ფიქრობენ საკუთარი ხაზის შექმნაზეც. ასევე ძალიან იტაცებთ ავეჯის ინტერიერზე მუშაობაც.
@youngemperors – 654 k
Young Emperors (ახალი იმპერატორები) მოდის წყვილი, რომელიც ცნობილი გახდა თავისი გამორჩეული ქუჩის სტილით და მოდური ლუქებით. ინსტაგრამსახელწოდების მიღმა დგანან ნიუ-იორკში დაფუძნებული ფრანგული წარმოშობის Isabelle Chaput და Nelson Tiberghien, ორი შემოქმედი პიროვნება, რომლებმაც თავიანთი გამორჩეული სტილით უკვე მთელი მსოფლიოს მასშტაბით გაითქვეს სახელი.
Young Emperors – წყვილის საერთო ინსტაგრამი შეიქმნა 2018 წელს. ახლა კი მათ უკვე 654 k გამომწერი ჰყავთ. ესწრებიან ყველა მოდურ ჩვენებასა და სხვადასხვა მოდურ ღონისძიებებს. გასულ წელს ისინი გლამურული ჩაცმულობებით ვიხილეთ Met Gala-ზეც.
იზაბელი და ნელსონი ერთმანეთს შეხვდნენ 2013 წელს პარიზში, სადაც ფოტოგრაფიას სწავლობდნენ. თავდაპირველად მეგობრები იყვნენ, მალევე მათი ურთიერთობა სიყვარულში გადაიზარდა.
Young Emperors განსაკუთრებით პოპულარულები არიან მათი ერთმანეთთან შეხამებული ლუქებით, ავანგარდული მიდგომითა და სტილის უნიკალური შეგრძნებით. ისინი მუდამ ორიგინალურად წარმოაჩენენ თავს და საინტერესო ფოტოსესიებს სთავაზობენ თავიანთ გამომწერებს. გამორჩეული წყვილი ნამდვილად არის პაპარაცების გემრიელი ლუკმა.
