გიამბობთ სილამაზისა და ესთეტიკის ცენტრის, NG-ის შესახებ, რომელიც პირველად არ მოხვდა ჟურნალი OK!-ის ობიექტივში. ამჯერად დამფუძნებელი ნინო ღონღაძე უფრო ვრცლად გიამბობთ იმ აპარატურისა და მიდგომების შესახებ, რომელსაც NG მომხმარებლებს სთავაზობს.
უპირველესად, გვიამბეთ ესთეტიკის ცენტრ NG-ის შესახებ. რამდენი ხანია რაც ბაზარზე გამოჩნდა?
ესთეტიკისა და სილამაზის ცენტრი NG უკვე მე-3 წელია ბაზარზე გამოჩნდა და წარმატებით ოპერირებს. ამ დროის განმავლობაში მოახერხა და საზოგადოებას თავი შეაყვარა და, რაც მთავარია, მოიპოვა ნდობა, რაც თითოეული მომხმარებლისთვის უპირველესია.
რა სახის მომსახურებებს სთავაზობთ საზოგადოებას?
გვაქვს ყველა ტიპის მომსახურება, რაც ესთეტიკისა და სილამაზის სფეროში ტარდება. შესაბამისად, ჩვენთან მოსულ ადამიანს შესაძლებლობა აქვს, ერთ სივრცეში ჩაიტაროს მისთვის სასურველი ყველა პროცედურა.
აქ თქვენ შეგიძლიათ სხვადასხვა პროცედურის ჩატარება, როგორიცაა: თმის მოვლის პროცედურები, ვიზაჟი, ფრჩხილის მოვლის პროცედურები, ლაზერული ეპილაცია, ელექტროეპილაცია, კრიოლიპოლიზი, მასაჟი, ტატუ/პირსინგი, წამწამებისა და წარბების მოვლის პროცედურები, პერმანენტული მაკიაჟი და კოსმეტოლოგია.
სად მდებარეობს ესთეტიკის ცენტრი?
ამჟამად რუსთავში გვაქვს 2 ფილიალი – შარტავას 6გ და მე-17 მკრ #7. სამომავლოდ, რასაკვირველია, გავფართოვდებით და კიდევ არაერთი ფილიალით წარვდგებით საზოგადოების წინაშე.
გვესაუბრეთ აპარატურასა და მიდგომებზე.
აპარატურა და მიდგომა ჩვენი გუნდისთვის უმთავრესია, რათა მივიღოთ ის შედეგი, რაც გახსნის დღიდან გვაქვს ჩაფიქრებული.
ჩვენთან წარმოდგენილია სამსხივიანი ლაზერული ეპილაციის აპარატი, რომელსაც აქვს გაგრილების კომპრესორული სისტემა, რაც მნიშვნელოვანია აპარატის შეუფერხებლად მუშაობისთვის და არ საჭიროებს ოთახის ტემპერატურის მართვასა და კონტროლს. ასევე, იტალიური წარმოების წყლის ტუმბო, რაც ხელს უწყობს აპარატში წყლის ნაკადის ცირკულაციას. აპარატის თავაკს აქვს გაუმჯობესებული მაღალი ხარისხის მოყინვის სისტემა, აქედან გამომდინარე, პროცედურა სრულიად უმტკივნეულო და კომფორტულია.
აღსანიშნავია, რომ სრულიად უფასოდ გადავამზადებთ ლაზეროთერაპევტს და გავცემთ სერტიფიკატს. აპარატს აქვს 2-წლიანი გარანტია. შეძენის შემთხვევაში, ყოველგვარი წინასწარ გადახდილი ავანსის გარეშე მოგიტანთ და დაგიმონტაჟებთ საქართველოს ნებისმიერ რეგიონში, ჩაგაბარებთ და მხოლოდ ამის შემდგომ მოხდება ანგარიშსწორება.
ასევე, გვაქვს 2023 წლის სოლარიუმის აპარატები, კრიოლიპოლიზი, ცივი პლაზმა, სახისა და ტანის გამაახალგაზრდავებელი და მოსავლელი სხვადასხვა ტიპის აპარატურა, რომლებსაც საერთაშორისო ხარისხის მართვის ორგანიზაციების მიერ მინიჭებული ხარისხის სერტიფიკატები გააჩნია.
ვინ არიან თქვენი მომხმარებლები?
ჩვენი მომხმარებლები არიან ის ადამიანები, ვისთვისაც ხარისხი და შედეგი მნიშვნელოვანია.
გარემო, რომელიც თქვენთან მოსულ სტუმრებს ხვდებათ.
ეს საკითხი ჩვენთვის თავიდანვე უმნიშვნელოვანესი იყო, რადგან ხარისხის გარდა, სწორედ ეს კომპონენტია, რაც გარკვეულწილად მომხმარებელს ჩვენთან დაბრუნების სურვილს უჩენს. შესაბამისად, ჩვენთან მოსულ ადამიანებს თბილი და მეგობრული გარემო ხვდება.
ბოლოს სამომავლო გეგმებიც გაგვიზიარეთ.
როგორც უკვე აღვნიშნე, სამომავლოდ ვაპირებთ რეგიონებში გავხსნათ ფილიალები და კიდევ უფრო გავფართოვდეთ.
