ახლა სწორედ ის დროა, როცა საახალწლო სუფრისთვის მზადება აქტიურ ფაზაში გადადის. ყველას გვინდა, რომ ახალ წელს გემრიელი კერძებით შევხვდეთ. OK! და „მწვანე ქვეყანა“ გთავაზობთ ნინე წირღვავას საახალწლო რეცეპტს, რომელიც, დარწმუნებული ვართ, თქვენი ოჯახის წევრებს ძალიან მოეწონებათ. ეს კერძი თქვენს საახალწლო სუფრას ორიგინალურსა და დახვეწილს გახდის.
ნინე თავად გვიამბობს, თუ როგორ უნდა მოვამზადოთ „შემწვარი ქათამი ბაჟეს სოუსში“.
ნინე წირღვავა: წაარმოგიდგენთ ჩემს უსაყვარლეს კერძს – „შემწვარ ქათამს ბაჟეს სოუსში“ და გაგიმხელთ იმ საიდუმლო ინგრედიენტებს, რომელსაც ვიყენებ. პირველი და მთავარი ინგრედიენტი არის „მწვანე ქვეყნის“ ქათამი.
ბაჟეს მოსამზადებლად დაგვჭირდება გატარებული ნიგოზი, რომელსაც მოვათავსებთ ბლენდერში, დავამატებთ მწვანილს, სუნელებს, ძმარს და ანადუღარ, შეგრილებულ წყალს, ამ ყველაფერს დავაბლენდერებთ მანამ, სანამ ერთგვაროვან მასას არ მივიღებთ.
ქათამი უნდა შევწვათ ღუმელში. ოქროსფერი რომ გახდება, მივხვდებით, რომ მზადაა. ცოტა შევაგრილოთ და ჩავაწყოთ ბაჟეს სოუში. ჩემი რჩევა იქნება, ბოლოს მოვაყაროთ ბროწეული, რადგან ამ კერძს სიმჟავე ძალიან უხდება.
ინგრედიენტები:
400 გრ ნიგოზი
ერთი თავი ხახვი
3 კბილი ნიორი
1 ჩ/კ უცხო სუნელი, საცივის სუნელი,
ნახევარი ჩ/კ ყვითელი ყვავილი, შავი პილპილი
1 ს/კ ძმარი
10 ღერი ქინძი
წყალი- 50-70 მლ (ადუღებული, გაგრილებული)
მარილი გემოვნებით.
ფოტო: ალექსეი სეროვი
ლოკაცია: “ვახტანგურის ჩებურეკი”
