33 წლის სუპერმოდელი და ბრენდ Victoria’s Secret-ის ანგელოზი, როუზი ჰანტინგტონი არაჩვეულებრივი გემოვნებით და ჩაცმის სტილით გამოირჩევა. სოციალურ ქსელებში ის საკმაოდ აქტიურია და ხშირად აქვეყნებს ფოტოებს, სადაც სხვადასხვა, დახვეწილ იმიჯს ირგებს. როუზი პაპარაცების ობიექტივშიც საკმაოდ ხშირად ხვდება, მისი შესანიშნავი სტილით კი ფანებს იმედებს არასოდეს უცრუებს. გამონაკლისი არც უკანასკნელი შემთხვევა გამხდარა, როდესაც ის ნიუ-იორკში სასტუმროს დატოვებისას შენიშნეს.
სუპერმოდელს ბეჟი მაისური და ქვედაბოლო ეცვა, რომელსაც მაღალქუსლიანი ფეხსაცმელი და ვერცხლისფერი ჩანთა, Bottega Veneta-ს 6540 ფუნტის ღირებულების ატმისფერ თრენჩთან ერთად შეუხამა.
