30 წლის მომღერალი, რიტა ორა არაჩვეულებრივი გემოვნებით და ჩაცმის სტილით ნამდვილად გამოირჩევა. ვარსკვლავი სოციალურ ქსელში საკმაოდ აქტიურია და მის გამომწერებს ხშირად უზიარებს ფოტოებს, სადაც სხვადასხვა გლამურულ სამოსს ირგებს. ამჯერად მომღერალმა ინსტაგრამზე რამდენიმე ახალი ფოტო გამოაქვეყნა.
უახლეს კადრებში რიტას შავი, ტყავის ქვედაბოლო და Valentino-ს 1790 ფუნტის ღირებულების, ვარდისფერი პერანგი აცვია, რომელსაც ოქროს აქსესუარები და ფერადი, მაღალქუსლიანი ფეხსაცმელი შეუხამა. იმიჯის სრულყოფილებაში მოსაყვანად მომღერალმა დაწნილი თმა და მსუბუქი მაკიაჟი შეარჩია.
