ბოლო პერიოდში აეროგრილი განსაკუთრებით დიდი პოპულარობით სარგებლობს. ამის მიზეზი ისაა, რომ მისი დახმარებით პროდუქტის უფრო ჯანსაღად, ნაკლები ცხიმით მომზადება შეგიძლია. ტექნიკის გამოყენება მარტივია და არც დიდ დროს მოითხოვს. კერძს რამდენიმე წუთში, მინიმალური ჩარევით მოამზადებ. ამიტომ არის აეროგრილი კომფორტული და პრაქტიკული ხელსაწყო, რომელიც სამზარეულოში აუცილებლად უნდა გედგას.
აეროგრილში თითქმის ნებისმიერი კერძის მომზადება შეგიძლია. თუ გსურს, ტექნიკის შესაძლებლობები მაქსიმალურად გამოიყენო და ყოველდღიურობა გემრიელი კერძების იოლად მომზადებით გაიმარტივო, მაშინ დღეს დაწვრილებით აგიხსნით, კონკრეტულად რისი მომზადება შეგიძლია აეროგრილში.
ხორციანი კერძები
ალბათ, ყველაზე ხშირად აეროგრილს ხორცის მოსამზადებლად იყენებენ. აეროგრილში შემწვარი ხორცი გარედან დაბრაწული და ხრაშუნაა, შიგნით კი წვნიანი. ამიტომ არის იდეალური ქათმის ფრთების, ბარკლების მოსამზადებლად. აეროგრილში შემწვარი ხორცი თითქმის უცხიმოა, შესაბამისად, უფრო ჯანსაღი და დიეტურიც არის. მისი დახმარებით, ნაკლებად კალორიული კერძების მომზადება შეგიძლია. ქათმის ხორცის გარდა, აეროგრილში შესანიშნავად იწვება სტეიკი, მწვადი, ნეკნები.
ბოსტნეული
აეროგრილში ბოსტნეულის მოწალვაც თავისუფლად შეგიძლია. განსაკუთრებით კარგად იწვება კარტოფილი ბროკოლი, ყვავილოვანი კომბოსტო, სტაფილო, სატაცური. აეროგრილი ბოსტნეულს კარამელიზებულ, ხრაშუნა სტრუქტურას და ოდნავ მოტკბო გემოს აძლევს. თუ მოხარშული ბოსტნეული შენთვის ზედმეტად მშრალი და უგემურია, თუმცა გსურს, რომ კვების რაციონში ჯანსაღი პროდუქტები შეიტანო, აეროგრილში შეწვა საუკეთესო ვარიანტია. აეროგრილში მომზადებული საკვები გაცილებით გემრიელი და მსუბუქია, ვიდრე ტაფაზე ზეთში შემწვარი.
ნახევარფაბრიკატები
აეროგრილის გამოყენება ნახევარფაბრიკატების მოსამზადებლადაც შეგიძლია. როცა ჩქარობ, გაყინული პროდუქტი აეროგრილში შეგიძლია შედო და სულ რამდენიმე წუთში ხრაშუნა და ოქროსფერი გამოვა. ელექტრო ღუმლისგან განსხვავებით, აეროგრილს წინასწარ გაცხელება არ სჭირდება, ამიტომ უფრო მალე მოამზადებ კერძს. ეს არის სწრაფი, კომფორტული და პრაქტიკული ხელსაწყო გაყინული პროდუქტებისთვის. რაც მნიშვნელოვანია, აეროგრილში მომზადებული კერძი არც სველია და არც დარბილებული.
დესერტები
ალბათ, გაგიკვირდა, მაგრამ აეროგრილით დესერტების გაკეთებაც შეგიძლია, იმის მიუხედავად, რომ ამ დანიშნულებით ნაკლებად ხშირად გამოიყენებენ. აეროგრილში ნამცხვრები, მაფინები, კექსი და ორცხობილები გაცილებით სწრაფად ცხვება, ვიდრე ელექტრო ღუმელში. თუ დიდ პორციას არ აცხობ და მხოლოდ რამდენიმე ცალის გაკეთება გინდა, აეროგრილით ამას ყველაზე სწრაფად იზამ. დესერტის ზედაპირი ხრაშუნა, ხოლო გული რბილი ფაფუკი გამოდის.
კერძების შეცხელება
აეროგრილის საშუალებით მარტივად შეგიძლია უკვე მომზადებული კერძების შეცხელებაც. მაგალითად, თუ აეროგრილში წინა დღის ხაჭაპურს, პიცას, კარტოფილს ან ქათამს შედებ, საკვები ინარჩუნებს სტრუტურას და არ რბილდება. კვლავაც ისეთივე ხრაშუნაა, თითქოს, ღუმლიდან ახლახან გამოიღე.
შეჯამება
აეროგრილის დახმარებით სხვადასხვანაირი კერძის მომზადება შეგიძლია. იდეალურია, როგორც ხორცის, ისე ბოსტნეულის, ცომეულის და დესერტების მოსამზადებლადაც კი. მრავალფუნქციური დანიშნულების გამო აეროგრილი სულ უფრო პოპულარული ხდება.
თუ ჯერ კიდევ არ გაქვს ეს მოწყობილობა, გირჩევთ, არ დააყოვნო და აუცილებლად შეიძინო შენი სამზარეულოსთვის. მისი დახმარებით შენი კვების რაციონი უფრო ჯანსაღი და მრავალფეროვანი გახდება.
