რესტორანი „დანდიანა“ – ახალი სიტყვა ქართულ ბაზარზე, რომელიც განუსაზღვრელი შემართებითა და პასუხისმგებლობითაა მომართული. რესტორანი „დანდიანა“, სადაც ტრადიციული და ევროპულ-აზიური კულინარიული ტექნიკა ერთმანეთს ხვდება. კვალიფიციური კადრებისგან დაკომპლექტებული გუნდი ყოველთვის მზად არის, მომხმარებელს კეთილგანწყობითა და სტუმარმასპინძლობით თავი დაამახსოვროს. ეს გახდება ადგილი, სადაც დაუვიწყარ მოგონებებს შექმნით. „დანდიანა“ – საწყისი და ფუძე ბედნიერებისა. ვრცლად „დანდიანას“ შესახებ დამფუძნებელი, დიანა კვირიკეიშვილი გვესაუბრა.
გაგვაცანით საკუთარი თავი, ვინ არის დიანა კვირიკეიშვილი?
დიანა კვირიკეიშვილი, პირველ რიგში, არის ხუთი შვილის დედა, ასევე, ჩამოყალიბებული და წარმატებული ქალი, პროფესიით კოსმეტოლოგი. ძალიან მიყვარს ჩემი საქმე. ზოგადად, არცერთი წამოწყებული საქმე არ გაამართლებს, თუ სიყვარული არ ჩადე მასში.
როგორ გაჩნდა რესტორან „დანდიანას“ გახსნის იდეა?
„დანდიანა“ ჩემთვის მხოლოდ რესტორანი არ არის, ეს არის სივრცე, რომელიც ჩემი გემოვნებისა და ხედვის გაგრძელებაა. მინდოდა შემექმნა ადგილი, სადაც ქართული ტრადიციული გემოები შეხვდებოდა ევროპულ-აზიურ დახვეწილობას.
როგორია რესტორან „დანდიანას“კონცეფცია?
რესტორან „დანდიანას“ კონვეფცია მომხმარებელს სთავაზობს სრულ სერვისს, რაც საშუალებას აძლევს, ერთ სივრცეში განავითაროს ორი სხვადასხვა მიმართულება.
გვესაუბრეთ გუნდზე, რომელიც რესტორან „დანდიანას“ ქმნის.
რესტორანში გვყავს ვარსკვლავები, ერთ-ერთია შეფი, სამზარეულოს ომების გამარჯვებული, რომლის ვინაობასაც საიდუმლოდ დავტოვებ. ასევე საუკეთესო, მეგობრული და პროფესიონალთა გუნდი შევკარი, რაშიც ძალიან გამიმართლა.
კერძებისა და სამზარეულოს შესახებ გვიამბეთ.
რესტორანი „დანდიანა“ მომხმარებელს სთავაზობს ადგილს, სადაც ტრადიციული და ევროპულ-აზიური კულინარიული ტექნიკა ერთმანეთს ხვდება.
რა გამოარჩევს მას ქართულ სარესტორნო სივრცეში? რითი იქნება დასამახსოვრებელი „დანდიანას“ მასპინძლობა?
რესტორანი „დანდიანა“ ქმნის ქართულ და ევროპულ-აზიურ კერძებს, რომლებიც ქართულ ფესვებზეა დაფუძნებული, მაგრამ წარმოდგენილია თანამედროვე ფორმით. თითოეულ თეფშზე არის რაღაც ნაცნობი, მაგრამ ახლის მომტანი. ჩვენთვის მნიშვნელოვანია სისუფთავე, გემოს ბუნებრიობა და დახვეწილი პრეზენტაცია.
გვესაუბრეთ რესტორან „დანდიანას“ინტერიერზე.
რესტორნის ინტერიერზე იზრუნა დიზაინერმა ნინო მიქაძემ, რომელმაც შექმნა ძალიან დახვეწილი და მაღალი დონის სივრცე. თითოეული დეტალი გათვალა მაქსიმალურად მომხმარებლის კომფორტზე.
რატომ „დანდიანა“, რა სათქმელს ატარებს აღნიშნული სახელწოდება?
ვნახეთ სიზმარი, სადაც გვესიზმრა რესტორანი, სახელწოდებით „დანდიანა“, თავზე დიდი და პატარა გვირგვინით, ჩემი მეხუთე შვილის, დანიელის და ჩემი სახელის, დიანას შერწყმა. ასევე, „დანდიანა“ სიმბოლურად გამოხატავს სილამაზეს, ქალურ ენერგიას და ელეგანტურობას.
წარმატების მთავარი ფორმულა რა არის?
ჩემთვის წარმატების მთავარი ფორმულა არის ჩემი შვილები და მეუღლე, როცა პირველი ნაბიჯები გადავდგი, მთავარი, რამაც მომცა ძალა, იყო საკუთარი თავის რწმენა.
მომხმარებლის ინტერესის გათვალისწინება რამდენად მნიშვნელოვანია?
მომხმარებლის ინტერესები ჩვენთვის უპირველესია. სწორედ ეს შექმნის კავშირს „დანდიანასა“ და სტუმარს შორის.
რა არის თქვენთვის „დანდიანა“?
ჩემთვის „დანდიანა“ არის ჩემი მეორე ოჯახი. თანამედროვე, მოდური და მყუდრო ადგილი.
სად მდებარეობს რესტორანი „დანდიანა“?
რესტორანი მდებარეობს ქუთაისი-წყალტუბოს დამაკავშირებელ გზაზე. მთლიანად სიმწვანეშია ჩაფლული.
როგორია თქვენი მიდგომა და სამუშაო პრინციპი?
ჩვენი მთავარი მიდგომა და პრინციპია კმაყოფილი მომხმარებელი.
თქვენი აზრით, რა სჭირდება ქალს პროფესიული მიზნის მისაღწევად?
პირველ რიგში, უფლის რწმენა, რის გარეშეც მე ეს ყველაფერი დღეს არ მექნებოდა. ასევე, დაუღალავი შრომა მიზნის მისაღწევად და ჩემი ოჯახი, რომელიც ჩემი ძალაა.
რა გაძლევთ საქმის კეთების მოტივაციას?
ჩემი მთავარი მოტივატორი ჩემი შვილები არიან.
რჩევა მკითხველთათვის.
ყოველთვის გწამდეთ უფლის და არასოდეს დანებდეთ, დაბრკოლებების მიუხედავად.
სამომავლო გეგმები
მომხმარებელს ვპირდებით მრავალფეროვან მომსახურებას, გვაქვს ძალიან ბევრი კარგი იდეები არა მარტო ამ ლოკაციაზე, არამედ მთელი საქართველოს მასშტაბით
ტექსტი: მარიამ ძოწენიძე
ფოტო: ნინი გორდაძე
