ბოლო ათწლეულების განმავლობაში, მსოფლიოს მრავალ ქვეყანაში პეპლების პოპულაცია საგრძნობლად შემცირდა. ეს ტენდენცია უკვე არა მხოლოდ ბუნების მოყვარულებისთვის, არამედ ეკოლოგებისა და მეცნიერებისთვისაც საგანგაშოა.
აშშ-ში ახლახან ჩატარებულმა მასშტაბურმა კვლევამ აჩვენა, რომ 136 სახეობის პეპლიდან, ბოლო 20 წლის განმავლობაში არც ერთს არ ჰქონია ზრდა. გარდა, ამერიკისა, ევროპაშიც, განსაკუთრებით ბრიტანეთში, გერმანიასა და ესპანეთში, ათასობით ჰექტარი მინდვრების გაქრობასთან ერთად, პეპლების რაოდენობა 30-50%-ით შემცირდა.
ექსპერტები რამდენიმე მთავარ მიზეზს ასახელებენ:
-
კლიმატის ცვლილება: მაღალი ტემპერატურა არღვევს პეპლების მიგრაციის პროცესს;
-
სასოფლო მეურნეობის ინტენსიფიკაცია: ფერად მინდვრებს ცვლის მონოკულტურა და ქიმიური სასუქები;
-
პესტიციდები პეპლებისთვის ძალიან ტოქსიკურია;
-
ბუნებრივი ჰაბიტატების დაკარგვა ურბანიზაციისა და ტყეების გაჩეხვის გამო.
პეპლები მხოლოდ ლამაზი არსებები არ არიან, ისინი კრიტიკულად მნიშვნელოვანია ეკოსისტემის განვითარებისთვის.
-
მცენარეებს დამტვერვაში ეხმარებიან;
-
სხვა ცხოველებისთვის საკვებს წარმოადგენენ (ჩიტები, ღამურები და სხვ.);
-
მათი შემცირება ეკოლოგიური კრიზისის წინაპირობაა.
რა შეგვიძლია გავაკეთოთ?
-
ბუნებრივი გარემოს შენარჩუნება და მრავალფეროვანი ბაღების გაშენება;
-
პესტიციდების გამოყენების მინიმალიზაცია;
-
ადგილობრივი მცენარეების დარგვა;
-
აქტიური მონაწილეობა გარემოსდაცვით კამპანიებში.
