კომპლექსი სასტუმრო Park Hotel-ს, ბალნეოლოგიურ და სპა-ცენტრ – Be Healthy-ს, რესტორანსა და ივენთჰოლ – „მაგნოლია“-სა და ქართულ ტრადიციულ რესტორან – „იმერულ ესკიზს“ მოიცავს.
რესტორანი „მაგნოლია“ წყალტუბოს სავიზიტო ბარათია, რომელიც 1950 წელს იტალიელი არქიტექტორის, კარლო მორეტის მიერ დაპროექტდა და აშენდა. ხოლო 2019 წელს ისტორიული იერსახის მაქსიმალური შენარჩუნებით განახლდა. ისტორიისა და აწმყოს ეს ულამაზესი სინთეზი წყალტუბოს ვიზიტორებს ქალაქში შემოსვლისთანავე თვალში ხვდებათ და მათ ერთდროულად ნოსტალგიურ და პოზიტიურ შეგრძნებას უღვიძებს.
„მაგნოლიას“ სივრცე რესტორანს, ივენთჰოლს, შეხვედრის ოთახს და ღია ტერასას მოიცავს.
რესტორნის მთლიანი კონცეფცია მაქსიმალურად პასუხობს მის ვიზუალურ მხარეს. მენიუში შეხვდებით ქართული და ევროპული კერძების როგორც ტრადიციულ, ასევე განახლებულ ვერსიებს. კულინარიული მრავალფეროვნება, მყუდრო, სასიამოვნო გარემო, მომსახურების მაღალი ხარისხი ის ფასეულობებია, რომელსაც „მაგნოლია“ 70 წელზე მეტია, არ კარგავს.
Magnolia Event Hall 250 სტუმარზე გათვლილი სივრცეა. დახვეწილი და ელეგანტური დიზაინი იდეალურად ერგება როგორც ოფიციალურ, ასევე არაოფიციალურ წვეულებებს. სრული ტექნიკური აღჭურვილობა და სათანადო აპარატურა საშუალებას იძლევა, ჩატარდეს მაღალი დონის კონფერენციები, სხვადასხვა საქმიანი ღონისძიებები, ქორწილები თუ კორპორაციული წვეულებები.
„მაგნოლია“ ის ადგილია, სადაც ისტორია და ტრადიციები იდეალურად არის შერწყმული თანამედროვეობასთან. სტუმრებს შეუძლიათ დააგემოვნონ უგემრიელესი კერძები და საავტორო კოქტეილები, აღმოაჩინონ ახალი გემოები, დატკბნენ ცოცხალი მუსიკით, იზეიმონ განსაკუთრებული მომენტები და დააგროვონ დაუვიწყარი მოგონებები.
„პარკ ჰოტელ წყალტუბო“ – ეს არის უნიკალური სივრცე, სადაც სტუმრებს შესაძლებლობა აქვთ, სასიამოვნო შეუთავსონ სასარგებლოს – ჩაიტარონ მეთოდოლოგიური მკურნალობა და გამაჯანსაღებელი სპა-პროცედურები, იზრუნონ გარეგნობაზე, ისიამოვნონ ცოცხალი მუსიკით, განიტვირთონ სრულ სიმშვიდეში და დაისვენონ ულამაზეს ბუნებასთან ჰარმონიაში.
„პარკ ჰოტელ წყალტუბო“ მთლიანად მორგებულია სტუმრების კომფორტზე. შენობას გარს ერტყმის უზარმაზარ ტერიტორიაზე გადაჭიმული ყველა სეზონზე გამწვანებული ბაღი ველოპარკინგით, რეკრეაციული, სარელაქსაციო ზონით, საბავშვო ზონითა და პატიოთი. 6 სხვადასხვა კატეგორიის სრულად აღჭურვილი 60 ოთახი გათვალისწინებულია როგორც მშვიდი ოჯახური, ასევე რომანტიკული თუ აქტიური დასვენებისთვის.
მეთოდოლოგიური მკურნალობა და გამაჯანსაღებელი სპა-პროცედურები, იზრუნონ გარეგნობაზე, ისიამოვნონ ცოცხალი მუსიკით, განიტვირთონ სრულ სიმშვიდეში და დაისვენონ ულამაზეს ბუნებასთან ჰარმონიაში.
„პარკ ჰოტელ წყალტუბო“ მთლიანად მორგებულია სტუმრების კომფორტზე. შენობას გარს ერტყმის უზარმაზარ ტერიტორიაზე გადაჭიმული ყველა სეზონზე გამწვანებული ბაღი ველოპარკინგით, რეკრეაციული, სარელაქსაციო ზონით, საბავშვო ზონითა და პატიოთი. 6 სხვადასხვა კატეგორიის სრულად აღჭურვილი 60 ოთახი გათვალისწინებულია როგორც მშვიდი ოჯახური, ასევე რომანტიკული თუ აქტიური დასვენებისთვის.
ბალნეოლოგიური კურორტი და სპა „ბი ჰელსი“ უნიკალურია და სრულებით უკონკურენტო არა მარტო რეგიონში, არამედ მთელი საქართველოს მასშტაბით. მის უნიკალურობას განსაზღვრავს რადონის წყალი, ცნობილი, როგორც „უკვდავების წყალი“. იგი ისეთი ფიზიოქიმიური თვისებებით გამოირჩევა, რომლის ანალოგი მსოფლიოში არ არის. წყლის ბუნებრივი ტემპერატურა 33-35°C-ია წლის ნებისმიერ დროს და გააჩნია უნიკალური სამკურნალო მახასიათებლები. ჯამში „უკვდავების წყალი“ 60-მდე დაავადებას უმკლავდება. მათ შორის განსაკუთრებულად ეფექტიანად – ძვალ-სახსროვან, კუნთოვან, გულ-სისხლძარღვთა, ნერვული სისტემის, გინეკოლოგიურ, უროლოგიურ და კანის დაავადებებს.
შენობა, რომელსაც 100 წელზე მეტი ხნის ისტორია აქვს, თავის დროზე ადგილობრივი ელიტის საყვარელ სარელაქსაციო ზონას წარმოადგენდა და დღემდე არ კარგავს აქტუალობას. კურორტი ჩაფლულია 78 ჰექტარზე გადაჭიმულ უიშვიათესი ასწლოვანი ხეებით გარშემორტყმულ ტყე-პარკში, წყნარ და მშვიდ ადგილას, სადაც აუცილებლად იპოვით სულიერ ჰარმონიას. ვიზიტორების ყურადღებას შესვლისთანავე იქცევს თანამედროვე, დახვეწილი ინტერიერი და სასიამოვნო ატმოსფერო, რომელსაც თანამშრომელთა მოღიმარი სახეები ქმნის.
ცალკე აღნიშვნას იმსახურებს პროფესიონალი გუნდის ინდივიდუალუარი მიდგომა თითოეულ დამსვენებელთან. ნებისმიერი პროცედურის გაწერა ხდება ექიმის დანიშნულებით და მიმდინარეობს მისი უშუალო დაკვირვების ქვეშ. „ბი ჰელსში“ რადონის წყლის გამოყენება ხდება არა მხოლოდ აბაზანების სახით, არამედ უახლესი და უიშვიათესი ტექნიკების გამოყენებით, შარკოსა და ცირკულარული შხაპების, წყალქვეშა მასაჟისა და ხერხემლის ჰორიზონტალური გაჭიმვისას.
რესტორანი „იმერული ესკიზი“
იმისათვის, რომ იმერეთის გულისცემა იგრძნო – ეზიარო ტრადიციული იმერული სამზარეულოს დაუვიწყარ გემოებს, გულში ჩამწვდომ ქალაქურ სიმღერას და ნამდვილ იმერულ კოლორიტს, აუცილებლად უნდა ესტუმროთ ახალგახნილ რესტორანს „იმერულ ესკიზს“.
წყალტუბოს სიმწვანეში ჩაფლული ულამაზესი „იმერული ესკიზი“ სახასიათო ინტერიერით, გულთბილი მომსახურებით და უგემრიელესი კერძებით – იმერული სტუმარმასპინძლობის საუკეთესო მაგალითია.
თბილი, მყუდრო ატმოსფერო, გამორჩეული სამზარეულო, გულმოდგინედ შერჩეული საოჯახო მარნის ღვინოების მრავალფეროვნება – გულგრილს არ ტოვებს არცერთ ვიზიტორს. სწორედ ამის გამო, საკმაოდ მოკლე დროში „იმერულმა ესკიზმა“ ხალხის დიდი სიყვარულის მოპოვება შეძლო.
ტექსტი: ნანა კუკულავა
ფოტო: ნინი გორდაძე
