ცოტა ხნის წინ 19 წლის მომღერალი, ბილი აილიში მოდის ერთ-ერთ ყველაზე მნიშვნელოვან ღონისძებაზე, Met Gala-ს წითელ ხალიჩაზე გამოჩნდა, სადაც მისი შესანიშნავი და დახვეწილი იმიჯით უამრავი ადამიანის გაოცება შეძლო. ბილიმ მერლინ მონროს სტილი გააცოცხლა და ოსკარ დე ლა რენტას კაბა მოირგო.
New York Time-ის ცნობით ოსკარ დე ლა რენტა ბეწვის გამოყენებას ბილი აილიშის გამო წყვეტს. ბილიმ დიზაინერთან პირობა დადო, რომ თუ ისინი სამოსის შესაკერად ცხოველების ბეწვის გამოყენებას შეწყვეტდნენ ის მათ კაბას Met Gala-ზე მოირგებდა.
„გავიზარდე და დრო იყო ასეთი იმიჯით გამოვჩენილიყავი. ყოველთვის მინდოდა ამის გაკეთება, უბრალოდ აქამდე მეშინოდა, თავს კომფორტულად არ ვგრძნობდი, თუმცა ბოლოს თავს ძალა დავატანე და შევძელი. ძალიან კმაყოფილი ვარ.“ – ასე შეაფასა ახალგაზრდა მომღერალმა მისი იმიჯი Met Gala-ზე
აქვე გაცნობებთ, რომ აქამდე ოსკარ დე ლა რენტა ბეწვს მხოლოდ პოდიუმის სამოსისთვის არ იყენებდა, თუმცა ახლა ის მას მთელი პროდუქციიდან ამოიღებს.
რეკლამა
