პარიზის მოდის კვირეულის ფარგლებში საერთაშორისოდ აღიარებულმა ქართველმა დიზაინერმა დემნა გვასალიამ უკვე მეორედ გამართა “ოტ კუტიურ” კოლექციის ჩვენება, რომლის ინსპირაციაც მოდის სახლის დამფუძნებლის კრისტობალ ბალენსიაგას დახვეწილი არქივები გახლდათ.
წლევანდელი ჩვენება გასული სეზონისგან განსხვავებით ვარსკვლავებით დატვირთული გახლდათ. Balenciaga-სთვის პოდიუმზე გაიარეს ისეთი დონის ვარსკვლავებმა როგორებიც არიან ნიკოლ კიდმანი, ბელა ჰადიდი, დუა ლიპა, ნაომი კემპბელი და კიმ კარდაშიანი.
ნიკოლ კიდმანი ბევრი სხვა ვარსკვლავის მსგავსად ჩვენებისთვის სპეციალურად ჩაფრინდა მოდის დედაქალაქად წოდებულ პარიზში.
მსახიობი ჩვენებაზე მეუღლესთან კიტ ურბანთან ერთად იმყოფებოდა.
ვარსკვლავმა მოგვიანებით შოუს კულისებიდან სახალისო კადრები გაგვიზიარა.
იხილეთ ნაწყვეტი ჩვენებიდან:
