18 თებერვალს მზე ზოდიაქოს უკანასკნელ, ყველაზე ღრმა და მისტიკურ ნიშანში – თევზებში გადავიდა. ამ ასტროლოგიური მოვლენით გაზაფხულს ვუახლოვდებით და შევდივართ პერიოდში, როდესაც წინა პლანზე ინტუიცია და ფანტაზია გამოდის. ეს დრო აძლიერებს მგრძნობელობას, შემოქმედებით აზროვნებას, პირადი ორიენტირების გადაფასებასა და შინაგან პროცესებზე დაკვირვებას, თუმცა მოვლენები შესაძლოა არათანაბრად და ზოგჯერ გაუგებრადაც კი განვითარდეს.
წინა წლებში, „მზის სეზონის“ დროს, სატურნისა და ნეპტუნის გავლენას ხშირად შეზღუდვის განცდა და ეჭვები ახლდა. 2026 წელს ორივე ეს პლანეტა ვერძის ნიშანშია და ისინი კვლავაც წამოწევენ რთულ თემებს, თუმცა გაურკვევლობის გარეშე. 20 თებერვალს მათი შეერთება გადამწყვეტი ნაბიჯების გადადგმისკენ გვიბიძგებს, მაშინაც, თუ ეს სიმკაცრეს მოითხოვს. ჩნდება სურვილი, აქტიურად ვიმოქმედოთ, ინიციატივა საკუთარ თავზე ავიღოთ და გარემოებები შევცვალოთ, ნაცვლად იმისა, რომ პროცესებს შორიდან დავაკვირდეთ.
ამ პერიოდის დასაწყისში თევზების ნიშანში პლანეტების სიმრავლე შეინიშნება: მზე, მერკური, ვენერა და მარსი დაძაბულ ემოციურ გარემოს ქმნიან. ასეთ დროს შეიძლება საკუთარი შეხედულება ერთადერთ ჭეშმარიტებად აღიქვათ, რაც კონფლიქტების რისკს გაზრდის. როდესაც სურვილები და განცდები წინა პლანზეა, სხვების მოსმენა რთულდება, რაციონალური ანალიზი კი მეორე პლანზე გადადის.
26 თებერვლიდან თევზების ნიშანში მერკურის რეტროგრადული მოძრაობა იწყება, რომელიც 20 მარტამდე გასტანს. ეს მზის ვერძში გადასვლასა და გაზაფხულის ბუნიობას დაემთხვევა. ეს პერიოდი გაუგებრობებს, ურთიერთობებში შეფერხებებს და მომატებულ შფოთვას უკავშირდება. შესაძლოა თავი შეგახსენონ ადამიანებმა წარსულიდან, რომლებიც დაპირებებით დაბრუნდებიან, თუმცა ეს დაპირებები ყოველთვის საიმედო არ იქნება.
3 მარტს ქალწულის ნიშანში სრული მთვარის დაბნელება მოხდება, რაც მოვლენებს პრაგმატული კუთხით დაგვანახებს და წვრილმანების გარკვევაში დაგვეხმარება. დაბნელების ენერგიამ შესაძლოა ზედაპირზე ამოიტანოს ინფორმაცია, რომელიც სწრაფ გადაწყვეტილებებს მოითხოვს. ამავდროულად, რეტროგრადული მერკური პირდაპირ მოქმედებებს ართულებს, რაც დაბნეულობის განცდასა და ცვალებად გარემოებებთან ადაპტაციის საჭიროებას აძლიერებს.
მზის შესვლა თევზებში ემოციურ მგრძნობელობასა და რომანტიკულ განწყობას აძლიერებს. სატურნისა და ნეპტუნის შეერთება ვერძში (20 თებერვალი) ღრმა ცვლილებებს განასახიერებს. 2 მარტს მარსი თევზებში გადადის, რაც საკუთარი შეხედულებების დაცვის მოტივაციას აძლიერებს. 6 მარტს ვენერა ვერძში შედის, რაც ურთიერთობებში ინიციატივის გამოჩენისკენ გვიბიძგებს. 10 მარტს იუპიტერი კირჩხიბის ნიშანში რეტროგრადულ ციკლს ასრულებს (რომელიც 2025 წლის ნოემბერში დაიწყო) და ზრდისა და ახალი შესაძლებლობების პერიოდს გზას უხსნის.
ზოგადად, 2026 წელს მზის თევზის ნიშანში გადასვლა რთული და მრავალშრიანი პერიოდია, სადაც ემოციური სიღრმე გადაწყვეტილებების მიღების აუცილებლობას ერწყმის.
2026 წლის „თევზების სეზონის“ მნიშვნელოვანი თარიღები:
- 19 თებერვალი: მზე შედის თევზებში – იმატებს მგრძნობელობა, ფანტაზია და რომანტიზმი.
- 20 თებერვალი: სატურნისა და ნეპტუნის შეერთება ვერძში – გლობალური ცვლილებების სიმბოლო.
- 26 თებერვალი: რეტროგრადული მერკურის დასაწყისი თევზებში -მოსალოდნელია შეფერხებები, ურთიერთობაში სირთულეები და ადამიანების დაბრუნება წარსულიდან.
- 2 მარტი: მარსი თევზებში გადადის და საკუთარი პოზიციების დაცვისკენ გვიბიძგებს.
- 3 მარტი: მთვარის სრული დაბნელება ქალწულში – სიტუაციის გარკვევისა და გადაწყვეტილებების მიღების მომენტი.
- 6 მარტი: ვენერა შედის ვერძში – ურთიერთობებში ინიციატივა იმატებს.
- 10 მარტი: იუპიტერი რეტროგრადულ ციკლს ასრულებს და იწყება ზრდის პერიოდი.
- 18 მარტი: ახალმთვარეობა თევზებში – საუკეთესო დრო სამომავლო გეგმებისა ჩამოყალიბებისთვის.
ასევე დაგაინტერესებთ
#OK! ზოდიაქოს 5 ნიშანი, რომელსაც თებერვლის ბოლომდე იღბალი გაუღიმებს
