#OK! MOKOSH - დახვეწილი და კომფორტული ფეხსაცმელების ბრენდი

ფეხსაცმლის ბრენდი MOKOSH შეიქმნა 2020 წელს და მისი მიზანია ქართველ მომხმარებელს შესთავაზოს ფეხსაცმლის მრავალფეროვანი არჩევანი. ბრენდის თითოეული მოდელი გამოირჩევა დახვეწილი დიზაინით, რომელიც პასუხობს თანამედროვე მოდის ტენდენციებს და ამავდროულად ფასები სრულადაა მორგებული საქართველოს ბაზარს. დეტალური ინფორმაციისთვის OK! გაესაუბრა ბრენდის დამფუძნებლებს − სალომე ირემაშვილსა და თინათინ მაჭარაშვილს.

გაგვაცანით ის პროდუქცია, რომელსაც მომხმარებელს სთავაზობთ.

ჩვენთან წარმოდგენილი პროდუქცია იქმნება თურქეთში, ნატურალური, ეკოტყავისა და ზამშის მასალისგან. თურქეთში ამ მიმართულებით არსებული საწარმოები სრულად პასუხობენ ჩვენს მოთხოვნებს, რაც გვიადვილებს მუშაობის პროცესს და საბოლოოდ, გემოვნებიანი და ხარისხიანი პროდუქციის შერჩევის საშუალებას გვაძლევს. ჩვენი პროდუქცია გამოირჩევა ხარისხითა და ხელმისაწვდომი ფასით, კოლექციები მუდმივად განახლებადია და მიჰყვება თანამედროვე მოდის ტენდენციებს. თავდაპირველად ბრენდი ფუნქციონირებდა მხოლოდ ონლაინ − ინსტაგრამ და ფეისბუქგვერდების მეშვეობით. პროდუქციის მიმართ დიდმა დაინტერესებამ და ბაზარზე მოთხოვნის ზრდამ, დაგვანახვა, რომ აუცილებელი იყო ჩვენი მომხმარებლისთვის პროდუქციის ადგილზე მორგებისა და შეძენის საშუალება მიგვეცა და 2021 წლის სექტემბერში გავხსენით პირველი ფილიალი საბურთალოს „სითი მოლში“.

მთავარი ნიშა, რომელიც თქვენს პროდუქციას გამოარჩევს…

ჩვენი პროდუქცია იქმნება მაღალი ხარისხის მასალით, მორგებულია მომხმარებლის გემოვნებასა და კომფორტზე. ყველა მოდელი გამოირჩევა განსაკუთრებული სიმსუბუქით, რაც მათ პრაქტიკულს ხდის ყოველდღიური მოხმარებისთვის, ხოლო ჩვენი დახვეწილი და ელეგანტური ხაზი, რომელიც განკუთვნილია განსაკუთრებული წვეულებებისთვის, ნებისმიერ ქალბატონს დაამშვენებს.

როგორც უკვე აღვნიშნეთ, ჩვენი მოდელები გამოირჩევა დახვეწილი დიზაინით, ამავდროულად არის ბიუჯეტური და ხელმისაწვდომია ყველა სეგმენტისთვის. ჩვენი ბრენდისთვის პრიორიტეტულია თითოეული მომხმარებლის კმაყოფილება, ამიტომ ვცდილობთ სერვისი შეძენიდან მიწოდებამდე იყოს მათთვის სასიამოვნო და კომფორტული. ჩვენ ვთავაზობთ მომხმარებელს ადგილზე მიტანის სერვისს, ვაძლევთ მათ რამდენიმე მოდელის მორგების საშუალებას და რაც ყველაზე მთავარია, ჩვენს მომხმარებლებს შეუძლიათ შეძენილი პროდუქციის როგორც ზომაში, ასევე სხვა მოდელში გადაცვლა.

როგორ შეუძლია მომხმარებელს თქვენი პროდუქციის შეძენა?

მომხმარებლებს ჩვენი პროდუქციის შეძენა შეუძლიათ ონლაინ, ჩვენი ფეისბუქ და ინსტაგრამგვერდის საშუალებით, სადაც ოპერატორი დაეხმარება მათ სასურველი მოდელისა და ზომის შერჩევაში, ხოლო ჩვენს ფილიალში მომხმარებელს შეუძლია თავად გვესტუმროს და შეარჩიოს მისთვის სასურველი მოდელი ადგილზე. აღსანიშნავია, რომ MOKOSH-ის პროდუქციის შეძენა შესაძლებელია მსოფლიოს ნებისმიერი წერტილიდან. დღესდღეობით MOKOSH-ს უამრავი ერთგული მომხმარებელი ჰყავს არა მარტო საქართველოში, არამედ საზღვარგარეთ, ემიგრანტების სახით, რაც ჩვენთვის ძალიან საამაყოა.

გვესაუბრეთ თქვენი სამომავლო გეგმების შესახებ.

2022 წლისთვის ჩვენი მთავარი გეგმაა რამდენიმე ფილიალის დამატება, როგორც თბილისში, ასევე რეგიონში. აქტიურად მიმდინარეობს მოლაპარაკებები პარტნიორ მწარმოებლებთან და უახლოეს მომავალში მომხმარებლებს შევთავაზებთ მეტად მრავალფეროვან არჩევანს, რომელიც მორგებული იქნება კონკრეტულად ქართველი მომხმარებლების მოთხოვნასა და გემოვნებაზე. სულ მალე MOKOSH-ს დაემატება სრულიად ახალი და განსხვავებული, ყველა ქალბატონისთვის სასურველი მიმართულება, რომელსაც ამ ეტაპზე სიურპრიზად დავტოვებთ.