მოგზაურობა შთაბეჭდილებებისა და თავგადასავლების შექმნის საუკეთესო გზაა. ამ დროს უკან ვიტოვებთ ყველანაირ პრობლემას, დაღლას, ვცდილობთ აღვიდგინოთ ძალები და ჩვენს თავს ვაჩუქოთ ახალი, დაუვიწყარი მოგონებები. სწორედ ამაში გვეხმარება ტურისტული კომპანია Art Travel, რომელიც თავიდან ბოლომდე გვიგეგმავს მოგზაურობას და გვთავაზობს ჩვენზე მორგებულ პაკეტს. Travel Book გთავაზობთ ინტერვიუს კომპანიის დირექტორსა და დამფუძნებელ ანასტასია გაბუნიასთან, ასევე დამფუძნებელ სალომე გვასალიასთან, რომლებიც უფრო ვრცლად გვიამბობენ ამ და სხვა საინტერესო დეტალების შესახებ.
გაგვაცანით კომპანია Art Travel. რამდენი ხანია, რაც ტურისტულ ბაზარზე გამოჩნდა და საიდან გაჩნდა მისი შექმნის იდეა?
(ანასტასია): ტურისტული კომპანია „არტ თრეველი“ უკვე 2 წელია, რაც ბაზარზე ოპერირებს. კომპანიის დაარსების იდეა გაჩნდა უშუალოდ პანდემიის დროს და საფუძვლად უდევს ჩვენი მრავალწლიანი გამოცდილება ტურიზმის სფეროში.
(სალომე): ჩვენი სააგენტო მომხმარებელს სთავაზობს ტურის დაგეგმვას ნებისმიერი მიმართულებით. ეს იქნება სახმელეთო თუ საკრუიზო. მომსახურება არის მრავალფეროვანი, მოიცავს როგორც გამყვან, ასევე შიდა ტურიზმს.
მოგვიყევით Art Travel-ის მიღწევების შესახებ. რა გზა გაიარეთ ამ 2 წლის განმავლობაში?
(ანასტასია): 2021 წელს, როდესაც ჯერ კიდევ პანდემია მძვინვარებდა, „არტ თრეველი“ იყო ერთადერთი კომპანია საქართველოში, რომელიც მომხმარებელს სთავაზობდა ფორმულა 1-ის სრულ სამოგზაურო პაკეტს. ჩვენ ვიყავით სტამბოლში გამართული რბოლის ოფიციალური წარმომადგენელი. გავაფორმეთ მემორანდუმი ისეთ საკრუიზო კომპანიებთან, როგორიც არის: MSC , COSTA CRUISE, ROYAL CARIBBEAN, AZAMARA და ა.შ.
„არტ თრეველის“ მეშვეობით გაიმართა არაერთი პრეზენტაცია საკრუიზო კომპანიების პოპულარიზაციის მიზნით. გვქონდა გასვლითი ღონისძიებაც, რომელშიც მონაწილეობდნენ საქართველოში მოქმედი ტურისტული კომპანიები (ჩვენი კოლეგები), რათა მათ თავად ჰქონოდათ წარმოდგენა, რა მომსახურებას სთავაზობს საკრუიზო კომპანიები ჩვენს მომხმარებლებს.
ჩვენი სააგენტო ფლობს ისეთ ჯილდოს, როგორიც არის MAXX ROYAL AWARDS-ის ტიტული (საქართველოს მასშტაბით საუკეთესო გაყიდვების სააგენტო).
რა უნდა გავითვალისწინოთ სამოგზაუროდ წასვლამდე?
(ანასტასია): სამოგზაუროდ წასვლამდე, პირველ რიგში, ტურისტებსა და პოტენციურ ტურისტებს ვურჩევდით, სწორად შეარჩიონ მათთვის სასურველი მიმართულება, რაშიც, რა თქმა უნდა, ვეხმარებით ჩვენ და დაგეგმვისას გაითვალისწინონ ჩვენ მიერ გაცემული რეკომენდაციები, რადგან მოგზაურობა არის საუკეთესო მოგონებების ხურჯინი, რომლის შევსებაშიც „არტ თრეველი“ გეხმარებათ.
რატომ უნდა ავირჩიოთ Art Travel?
(სალომე): მაშინ, როდესაც თქვენ ირჩევთ ტურისტულ სააგენტო „არტ თრეველს“, გაითვალისწინეთ, რომ ეს არის გარანტი გამოცდილებისა, სანდოობისა და სამომავლოდ მრავალწლიანი მეგობრობისა, ვინაიდან ტურის შეძენისას ჩვენი ურთიერთობა მომხმარებელთან არ სრულდება, პირიქით, ჩვენ ჩვენს მომხმარებელთან მოგზაურობის დროსაც ვართ.
როგორია კომპანიის სამომავლო გეგმები?
(სალომე): სამომავლო გეგმები მასშტაბური და დიდია. „არტ თრეველი“ გეგმავს მსოფლიო ბაზარზე ლიდერი პოზიციის დაკავებას, როგორც გამყვანი, ასევე შიდა ტურიზმის კატეგორიაში. ხოლო ახალი 2023 წლის გეგმაა, მოვახდინოთ შიდა ტურიზმის განვითარება და „არტ თრეველის“ სახელით წვლილი შევიტანოთ საქართველოს პოპულარიზაციაში.
