სპორტული კომპლექსი ,,sport time’’ ცხელი დღეების სასიამოვნოდ გატარებას გპირდებათ. ეს არის სივრცე, სადაც შეგიძლიათ დრო ჯანსაღ ცხოვრებასა და გართობას დაუთმოთ. აქ წარმოდგენილია როგორც ღია აუზი, ისე დახურული, სპორტდარბაზი და ასევე საუნა, რომელიც ამ ეტაპზე რემონტდება და მალე განახლებული სახით მოემსახურება მომხმარებელს. “სპორტ თაიმი” მდებარეობს ქალაქის ცენტრიდან 10 წუთის სავალ გზაზე, დედაქალაქის ერთ-ერთ უძველეს და გამორჩეულ უბანში, ორთაჭალაში. უფრო დეტალურად სპორტული კომპლექსის შესახებ OK-ის ესაუბრა პიარ-კონსულტანტი ქეთი მაჭავარიანი.
გვესაუბრეთ Sport Time-ის უპირატესობებზე…
ჩვენი განახლებული 33 მეტრიანი ღია აუზი და სპორტდარბაზი პოპულარულია ნებისმიერ სეზონზე. ერთ-ერთ უპირატესობად მიგვაჩნია ის, რომ ჩვენთან შესაძლებელია ცურვის შესწავლა ნებისმიერი ასაკის მსურველისთვის. გვაქვს არა მხოლოდ ჯგუფური, არამედ ინდივიდუალური გაკვეთილები და რაც მთავარია, გვყავს პროფესიონალებით დაკომპლექტებული სტაფი. ასევე, გაიზარდა მოთხოვნა აკვა აერობიკაზე და ეს ძალიან გვახარებს. ეს არის ყველაზე ეფექტური მეთოდი სასურველი ფორმების მისაღებად: ცურვა და ვარჯიში ერთად.
აგრეთვე, მინდა ავღნიშნო, ჩვენი ბარ-რესტორანი, რომელიც ნებისმიერ პოპულარულ კვების ობიექტს გაუწევს კონკურენციას ხარისხით, გემოთი და ფასებით.
და გვერდს ვერ ავუვლით ყველაზე მთავარს, სუფთა და ჯანსაღ გარემოს. დაგვეთანხმებით, ეს ერთ-ერთი გადამწყვეტი ფაქტორია. წლებთან ერთად ჩვენ ვაუმჯობესებთ მომსახურებას და ხარისხს, რაზეც ჩვენი მომხამრებელის სიმრავლეც მეტყველებს.
რამდენად ხშირად სთავაზობთ მომხმარებლებს ფასდაკლების აქციებს და გათამაშებებს?
ხშირად გვაქვს შიდა აქციები: 1+1, 2+1. გარდა ამისა, გვაქვს აბონემენტები, რომლით სარგებლობაც მომხმარებლისთვის საკმაოდ მომგებიანია. ამავდროულად, ვთანამშრომლობთ ფიტპასთან და სხვადასხვა ფასდაკლების ვებ-გვერდებთან. სოციალურად დაუცველთათვის კი არის სპეციალური შეღავათები. მაქსიმალურად ვცდილობთ, რომ ჯანსაღი ცხოვრების წესი ყველასთვის ხელმისაწვდომი იყოს. ასევე, ხშირად ვმართავთ შეჯიბრებებს და გათამაშებებს, რაც ყველაზე მეტად ჩვენს მომხმარებელს უხარია.
ცოცხალი მუსიკის საღამოები…
ზაფხული თავგადასავლების სეზონია. ბევრი ვიფიქრეთ, როგორ გვექცია Sport Time – ში სტუმრობა კიდევ უფრო საინტერესო და სასიამოვნო მოვლენად. ყოველ შაბათ-კვირას (და არა მხოლოდ) გვყავს გამორჩეული სტუმრები: DJ, მომღერლები, ბენდი… ჩვენი სტუმრებისთვის ნამდვილი სურპრიზი აღმოჩნდა ვიოლინოზე შესრულებული ჰიტები, რასაც მოყვა საზოგადოების დადებითი შეფასებები, კმაყოფილი მომხმარებელი კი ჩვენთვის ყველაზე მთავარია.
სამომავლო გეგმები…
უპირველესად, განახლებული საუნა დაგვიბრუნდება, ასევე ვამატებთ მასაჟსა და სხვადასხვა გასახდომ და სარელაქსაციო პროცედურებს. სამომავლოდ კი დაგვემატება სილამაზის ცენტრი, სადაც შესაძლებელი იქნება როგორც აპარატურული, ასევე ინექციური კოსმეტოლოგიური პროცედურების ჩატარება. ვფიქრობთ, ეს ამბავი ქალბატონებს განსაკუთრებით გაახარებთ. ჩვენს მომხმარებელს შეეძლება დაისვენოს, გაერთოს, გაჯანსაღდეს და გალამაზდეს ერთ სივრცეში.
