მსახიობი დემი მური, ეშტონ კაჩერთან ურთიერთობაზე ალაპარაკდა და განაცხადა, რომ მასთან თანაცხოვრება იმდენად დამანგრეველი იყო, რომ ამან მის შვილებზეც მოახდინა გავლენა.
56 წლის მსახიობი შვილებთან, რუმერ და ტალულა ვილისებთან ერთად Red Table Talk-ის ერთ-ერთ სერიაში გამოჩნდა, სადაც მან ეშტონ კაჩერთან რვა წლიან ცოლ-ქმრობაზე ისაუბრა.
„ჩემი დამოკიდებულება და მიზიდულობა ეშტონის მიმართ იმდენად დამანგრეველი იყო, რომ ამან დიდი ემოციური ზიანი მომაყენა“.
დემის უმცროსმა ქალიშვილმა, 25 წლის ტალულამ ასევე ისაუბრა ამ თემაზე.
„მე ვაკვირდებოდი და ვხედავდი რამდენად ძლიერ იყო დამოკიდებული დედა ეშტონზე. სახლში უმეტესად სულ მარტო ვცხოვრობდი. თავს ძალიან დავიწყებულად ვგრძნობდი. ვფიქრობ მე გავიზარდე იმ აზრით, რომ დედას არასდროს ვყვარებივარ, ახლა ასე არ ვფიქრობ, ახლა ვიცი, რომ ვუყვარვარ, თუმცა მაშინ ამას ვერ ვგრძნობდი და ამისგამო გული ძალიან მტკიოდა“
დემი მურის უფროსმა ქალიშვილმა, 31 წლის რუმერმა ეშტონის და დედის ურთიერთობაზე ისაუბრა და თქვა, რომ ხედავდა როგორი ზიანი მოჰქონდა ამ ურთიერთობას ოჯახისთვის.
„დემის და ეშტონის თითქმის მთელი ურთიერთობის განმავლობაში ეშტონზე ძალიან გაბრაზებული ვიყავი, ვგრძნობდი, რომ იმას მართმევდნენ რაც ჩემი იყო.”
მსახიობი დემი მური ახალგაზრდობაში ალკოჰოლზე და ნარკოტიკებზე იყო დამოკიდებული, რისგამოც ეშტონ კაჩერთან შვილის გაჩენა ვერ შეძლო, რამაც მის ფსიქოლოგიურ ჯანმრთელობაზე იქონია გავლენა.
ასევე იხილეთ:
