შავი და თეთრი ფერების კომბინაცია თითქმის ყველა ეპოქაში აქტუალურია, თუმცა 2021 წელი მათგან გამორჩეულია, რადგან კინისამყაროს ერთ-ერთი ყველაზე ექსცენტრიული პერსონაჟის შესახებ გადაღებული ფილმი არაერთი დიზაინერის ინსპირაციის წყარო გახდა.
20 ივნისს, კავეას კინოთეატრში გრეგ კინერის ფილმის ჩვენებამდე ქართველი დიზაინერის დათუნა სულიკაშვილის ჩვენება გაიმართა, რომელმაც 2021 წლის გაზაფხული/ ზაფხულის სეზონისთვის მაყურებელს “კრუელას” ექსტრავაგანტული სტილის ინსპირაციით შექმნილი შავ-თეთრი კოლექცია წარუდგინა. იქიდან გამომდინარე, რომ ფილმის იდეა მოდის სამყაროს გარშემო ტრიალებს, დათუნას ჩვენების კონცეფცია შეიძლება ითქვას რომ იდეალური დასაწყისი იყო ფილმის სანახავად. მოდელების შავ-თეთრი პარიკები კი შოუს ეფექტს ორმაგად ზრდიდა, რადგან კრუელას ვარცხნილობა მისი საკულტო გარეგნობის უმნიშვნელოვანესი ნაწილია.
მიუხედავად იმისა, რომ კრუელა კინოსამყაროს ერთ-ერთი ყველაზე პოპულარული ანტიგმირია, ფილმში არსებული დეტალები სასტიკი პერსონაჟის ჰუმანური მხარეების აღმოსაჩენად შესანიშნავია. ქალმა, რომელიც ბავშვობიდან ძაღლების ტყავით შექმნილ ქურქზე ოცნებობდა, აზროვნება ცხოვრებისეული გამოცდილების შემდეგ რადიკალურად სხვანაირად განავითარა.
ფილმის იდეის შესაბამისად რონისძიებაზე დამსწრე საზოგადოებას Beauty And The Box-ის სასაჩუქრე ნაკრებები დაურიგდა, რომლებიც Cruelty Free პროფუქტებით იყო დაკომპლექტებული. ეს გახლავთ კომპანია, რომელიც ცხოველებზე ექსპერიმენტების ჩატარებაზე უარს ამბობს.
მათ კი, ვისაც ჯერ არ გინახავთ გრეგ კინერის ერთ-ერთი ყველაზე გახმაურებული ფილმი, მისი ნახვა კავეას კინოთეატრების ქსელში შეგიძლიათ.
ფოტო: CAVEA.GE
