HOPEMED LAB – „იმედის ლაბორატორია“ 3 წელია წარმატებით ფუნქციონირებს. სერვისების ზრდასთან ერთად, ლაბორატორიამ სტატუსი შეიცვალა და სამედიცინო-დიაგნოსტიკურ ცენტრად ჩამოყალიბდა. ცენტრი თანამედროვე გერმანული და ამერიკული აპარატურით არის აღჭურვილი და მომხმარებელს სხვადასხვა სახის კვლევას, ზუსტ და დროულ დიაგნოსტიკას სთავაზობს. ლაბორატორიაში მისულ ადამიანებს დახმარებას უწევენ პროფესიონალი ექიმი-ლაბორანტები 20-წლიანი გამოცდილებით. ჟურნალი „OK! ქუთაისი“ სამედიცინო-დიაგნოსტიკური ცენტრის HOPEMED LAB-ის დირექტორ ლელა ცხადაძე-წვერავასთან მომზადებულ ინტერვიუს გთავაზობთ:
ლელა, უპირველესად, იმედის ლაბორატორიის დაარსების ისტორია გვიამბეთ.
მრავალწლიანმა გამოცდილებამ, თავდაუზოგავმა შრომამ, უდიდესმა პასუხისმგებლობამ, ერთგულებამ, საკუთარი ცოდნის რეალიზებაში აღიარებამ ბიძგი და გამბედაობა მომცა, ჩემს უერთგულეს პარტნიორ ეკა ბადურაშვილთან ერთად საკუთარი ლაბორატორია შემექმნა. ბედნიერებაა, როდესაც ადამიანი ყველა სიტუაციაში თვალდახუჭული გენდობა. ვისი იმედი და საყრდენიც ხარ, გრძნობ, რამხელა პატივი გერგო, უზარმაზარ ნდობას რომ გიცხადებენ. სწორედ ამან გადაგვაწყვეტინა, აგვერჩია სწორი სახელიც ჩვენი ლაბორატორიისათვის და მიგვენიჭებინა HOPEMED LAB – იმედის ლაბორატორია. ასე ყოველი სწორად გათვლილი ნაბიჯით 2021 წლიდან ჩაეყარა საფუძველი HOPEMED LAB – იმედის ლაბორატორიის დაარსებას. შემდგომ, სერვისების ზრდასთან ერთად, ლაბორატორიამ შეიცვალა სტატუსი და ჩამოყალიბდა სამედიცინო-დიაგნოსტიკურ ცენტრად.
ძლიერად არავინ იბადება, თავიდან ყველა უმწეოდ ვევლინებით სამყაროს, შემდეგ ცხოვრებისეული სირთულეები გვაძლიერებს. რაც მეტ პრობლემას ვაწყდებით, მით უფრო ვიწვრთნებით გამოცდილებით, ძლიერი, დაკვირვებული და მიზანდასახული ვხდებით. ვაცნობიერებთ, რომ ადვილად არაფერი მოდის და ყველაფერი საკუთარი შრომის ხარჯზე მოიპოვება. ცხოვრებაში მხოლოდ იმას ვიღებთ, რის თხოვნასაც გავბედავთ. რა მიზანსაც დავისახავთ, ნუ შეგვეშინდება გამბედაობის, თუკი საკუთარ თავთან მუშაობისა და თავდაუზოგავი შრომის იმედი გვაქვს.
სამედიცინო-დიაგნოსტიკური ცენტრი რას სთავაზობს საზოგადოებას?
ვთავაზობთ ზუსტ და დროულ დიაგნოსტიკას, რომელიც ხარისხიანად შესრულებისკენ არის მიმართული. იმედის ლაბორატორია გთავაზობთ შემდეგი სახის კვლევებს:
- ბიოქიმია
- იმუნოლოგია
- ჰემატოლოგია
- ვირუსოლოგია
ლაბორატორია აღჭურვილია თანამედროვე გერმანული და ამერიკული აპარატურით, რაც გვაძლევს ზუსტი პასუხების გარანტიას.
სამედიცინო-დიაგნოსტიკური ცენტრი HOPEMED LAB-ი ამ დევიზით მკვიდრდება: ზუსტი ანალიზი სწორი მკურნალობის საფუძველია!
რატომ უნდა ავირჩიოთ „იმედის ლაბორატორია“?
სამედიცინო-დიაგნოსტიკური ცენტრი HOPEMED LAB-ი უნდა ავირჩიოთ, რადგან აქ არის:
- ლაბორატორია აღჭურვილია თანამედროვე, ევროპული სტანდარტებით.
- ლაბორატორია მკაცრად მიჰყვება ხარისხის და უსაფრთხოების საერთაშორისო სტანდარტებს (აპარატურების რეგულარული კალიბრება, ანალიზების შიდა ხარისხის კონტროლი), რათა გარანტირებული იყოს შედეგების სიზუსტე.
- პროფესიონალი ექიმი-ლაბორანტები 20-წლიანი გამოცდილებით.
- მაქსიმალურად სწრაფი და ხარისხიანი მომსახურება.
- შედეგების დროულად და კომფორტულად მიწოდება ელექტრონულად.
- ბინაზე გამოძახების სერვისი
სამედიცინო-დიაგნოსტიკური ცენტრი HOPEMED LAB-ი 2 წელია მონაწილეობს ლაბორატორიული კვლევის ხარისხის გარე კონტროლის შეფასების ევროპული საზოგადოების (ESFEQA) პროგრამაში, სადაც ჩვენმა ლაბორატორიამ უზუსტესი კვლევისთვის საერთაშორისო სერტიფიკატები აიღო.
გარემო, რომელიც ლაბორატორიაში გვხვდება…
სამედიცინო-დიაგნოსტიკურ ცენტრში გხვდებათ სასიამოვნო, მოწესრიგებული, მყუდრო გარემო, სადაც პროფესიონალიზმი, ღირსება, ადამიანურობა, პაციენტებისადმი კეთილსინდისიერი, მეგობრული მიდგომა ჩვენი უპირობო სავიზიტო ბარათია.
გვიამბეთ HOPEMED LAB-ის გუნდის შესახებ.
გუნდთან, რომელთანაც მუშაობ, სიტყვა „მკაცრი“ ძალიან არასასიამოვნო და უკვე უარყოფის მანიშნებელია, პრინციპულობა და ურთიერთპატივისცემა უფრო სწორი ნათქვამი იქნება, რაც თანამშრომლებთან მიმართებაში კარგად მუშაობს. მე ნდობას ვუცხადებ მათ, თუმცა თვალს ვადევნებ, რამდენად ამართლებენ მათზე დაკისრებულ მოვალეობებს. თუ შეცდომებს დაუშვებენ, თავად გააანალიზონ და მიიღონ სწორი გადაწყვეტილება. ასეთ დროს ჩემს აზრს ვაწვდი მათ, რა არის სწორი და რა არასწორი. ყველაზე მთავარი პაციენტისადმი გულისხმიერი დამოკიდებულებაა. ვქმნი იმ გარემოსაც, სადაც მუშაობის დროს ერთმანეთთან პროდუქტიული და სასიამოვნო ატმოსფერო შეიქმნას, ყველასთვის იყოს ისეთი სამუშაო ადგილი, სადაც უდიდეს პატივს გცემენ. მეგობრული კომპანია სიძლიერის, მხარდაჭერის, განვითარების ადგილია.
რა სერვისებსა და აქციებს სთავაზობთ მომხმარებელს?
ასევე გვაქვს ფილიალი ბაღდათის რაიონში; გვაქვს ბინაზე გამოძახების სერვისი;
სამედიცინო-დიაგნოსტიკური ცენტრი HOPEMED LAB „იმედის ლაბორტორიაში“ გთავაზობთ ალერგიული რეაქციის შეფასების სინჯებს, როგორც სტომატოლოგიურ, ასევე ანტიბიოტიკებზე. სინჯი ტარდება გამართული შოკის კაბინეტით, პროფესიონალი ალერგოლოგის მეთვალყურეობით, თანამედროვე მეთოდებით.
წინასწარი ჩაწერით ტარდება ულტრაბგერითი გამოკვლევა, ნეიროსონოსკოპია.
პაციენტებმა შესაძლებელია მიიღონ კონსულტაცია მაღალკვალიფიცირებულ ექიმებთან:
- ენდოკრინოლოგი
- ოჯახის ექიმი
- პედიატრ-ნეფროლოგი
- ანგიოლოგი (დოპლეროგრაფია)
მინდა ხაზი გავუსვა მათ პროფესიულ მიდგომას და პატივისცემით დამოკიდებულებას, რომლებიც ყოველთვის მზად არიან, სათანადო და საჭირო სამედიცინო რჩევები მისცენ პაციენტებს. ასევე მოსახლეობას და ჩვენს ერთგულ პაციენტებს ფასდაკლებით უპრეცედენტო აქციებს ვთავაზობთ. უფასო კონსულტაციებს მოწვეული, უმაღლესი კატეგორიის ონკოგინეკოლოგი და პროფესიონალი, ცნობილი პროქტოლოგი ატარებენ.
როგორია ლაბორატორიის სამომავლო გეგმები?
სამედიცინო ლაბორატორიის როლი უწყვეტად ვითარდება და იხვეწება, რაც მას თანამედროვე მედიცინის განუყოფელ ნაწილად ხდის. აქედან გამომდინარე, ჩვენი თავდაუზოგავი შრომა, პროფესიული წარმატებისათვის პაციენტებისგან წამოსული ჯადოსნური სიტყვა „მადლობა“ და „ნდობა“ არის ის ძალა, რომელიც დიდ ენერგიას გვაძლევს საქმის სამომავლო გეგმების განხორციელებაში. ეს ყოველი გეგმა მიმართული იქნება კეთილსინდისიერად გადავდგათ ყოველი ნაბიჯი!
ახლო მომავალში სერვისების გაზრდას და კლინიკის გაფართოებას ვაპირებთ.
ტექსტი: მარიამ ირემაძე
ფოტო: ნინი გორდაძე
