Victoria’s Secret-ის კრეატიულმა დირექტორმა, ადამ სელმანმა, 2026 წლის ვალენტინობის დღისადმი მიძღვნილი თეთრეულის კოლექცია წარმოადგინა. კოლექციის სარეკლამო კამპანიაში 29 წლის ამერიკელი მოდელი ჰეილი ბიბერი მონაწილეობდა, რომელმაც ჟიზელ ბიუნდჰენის ერთ-ერთი ყველაზე ცნობილი ფოტო გაიმეორა.
ბიბერი, რომელსაც ბრენდმა სიყვარულით „სეზონის გულების დედოფალი“ უწოდა, კამპანიის –Very VS Valentine’s მთავარი ფიგურა გახდა. მან სექსუალური ბოდეებით დაწყებული, ნაზი ვარდისფერი პიჟამით დამთავრებული, არაერთი სადღესასწაულო ლუქი მოირგო. ჰეილიმ ფაქტობრივად, 25 წლით უკან, 2001 წელში დაგვაბრუნა.
ეს ფოტო 2001 წლის საკულტო ფოტოსესიისთვის ერთგვარი პატივის მიგებაა, რომელშიც ჟიზელ ბიუნდჰენი Think Pink -ის სუნამოსთვის პოზირებდა. მაშინ ბრაზილიელი სუპერმოდელი მდიდრულად მორთული კარადის უჯრაში იჯდა და ფეხის ფრჩხილებს იღებავდა. ბიუნდჰენს ნაზი ვარდისფერი, მაქმანებიანი ბიუსტჰალტერი და იმავე ფერის ტრუსი ეცვა. ჟიზელის მსგავსად, ჰეილიმაც თმა მაღლა, ცხენის კუდივით შეიკრა.
სხვა ფოტოებში ბიბერმა ნახევრად გამჭვირვალე თეთრეული წარმოადგინა, რომელიც ყვავილებით მოქარგული ნაზი ვარდისფერი ბიუსტჰალტერის, დახვეწილი გარტერისა და ტრუსისგან შედგებოდა. რომანტიკულ იმიჯს მაქმანებიანი წინდები ასრულებდა, გარემოს კი რბილი ვარდისფერი ხალიჩა და ანთებული სანთლები ამშვენებდა.
2026 წლის ვალენტინობის კოლექციის სხვა პროდუქტებს შორისაა პიჟამის მოკლე წყვილი – Glazed Satin Heart, ასევე ტუალეტის წყლები – Very Sexy Euphoric და Very Sexy Blush.
შეგახსენებთ, რომ Victoria’s Secret ახალგაზრდა ბიზნესმენმა, როი რეიმონდმა ცოლთან, გეი რეიმონდთან ერთად 1977 წელს, კალიფორნიაში დააარსა. ბრენდმა წარმატებისკენ საკმაოდ დიდი გზა გაიარა – მენეჯმენტი რამდენჯერმე გამოიცვალა, სტრატეგია შეცვალა და განახლებული კოლექციები შექმნა. დღეისათვის Victoria’s Secret უმაღლესი ხარისხის თეთრეულის ბრენდთან ასოცირდება, რომელმაც მრავალ მოდელს წარმატებისკენ გზა გაუხსნა.
ასევე დაგაინტერესებთ
