მოგესალმებით, ძვირფასო ადამიანებო!
ნოემბრისთვის გადავწყვიტე ორი მნიშვნელოვანი თემა განვიხილო თქვენთან ერთად და ვფიქრობ, ორივე საკმაოდ აქტუალური და საინტერესოა მათთვის, ვინც არა მხოლოდ სილამაზეზე, არამედ სხეულის სიჯანსაღესა და ჯანმრთელობაზეც ზრუნავს, რაც, ვფიქრობ, ჩვენი უპირველესი პრიორიტეტია.
მაშ ასე, გადავწყვიტე, ნოემბრის ბიუთის ერთი თემა იყოს ჯანსაღი კვება. ვფიქრობ, 21-ე საუკუნის ადამიანები განსაკუთრებულ მნიშვნელობას ვანიჭებთ კვების საკითხს და ეს ასეც უნდა იყოს, რადგან ჯანსაღი კვება ჩვენი ჯანმრთელობისა და სილამაზის მნიშვნელოვანი გარანტია. როგორ ვიკვებო ჯანსაღად? როგორ დავიკლო წონა და მერე როგორ შევინარჩუნო? როგორ გავიმარტივო წონის კლების პროცესი? რა ვუყო ამ ტკბილზე დამოკიდებულებას? ეს და მსგავსი კითხვები ალბათ ჩემთან ერთად თქვენც გაქვთ, არა? პირადად მე ცხოვრებაში პირველად 40 წლის ასაკში შევძელი წონის ჯანსაღი (და არა მავნე) გზით კორექცია. თურმე ჯანსაღი კვება მართლა ჯადოსნობაა და როცა სათანადო რაოდენობის ცილას, ჯანსაღ ცხიმებსა და ცოტაოდენ ნახშირწყლებს დაბალანსებულად მიირთმევ, სასწორზე გამოსახული კილოგრამები ნელ-ნელა იწყებენ დაბლა ჩამოცოცებას. ასე დავიკელი ბოლო დროს 5 კილოგრამი და მინდა გითხრათ, დღემდე მშვენივრად ვინარჩუნებ ამ წონას. მარტივია თუ არა? არა, ნამდვილად არ არის მარტივი, მაგრამ იცით, როცა ზუსტად იცი, რომ რაღაცას ნამდვილად სწორად და საკუთარი თავის სასარგებლოდ აკეთებ, გზა მარტივდება, მოტივაცია ძლიერდება, ამასობაში შედეგიც წამოგვეწევა და დიდებული განწყობაც გარანტირებულია.
თუ ვინ მოვიწვიე ჯანსაღ კვებაზე სასაუბროდ, ამას შემდეგ სტატიაში შეიტყობთ და ვფიქრობ, კმაყოფილი დარჩებით.
მეორე დიდი თემა, რომელიც ნოემბრისთვის შევარჩიე, გახლავთ თმის მოვლა.
თმის მოვლა დიდი თემაა, საკმაოდ დიდი. აქაც ბევრი კითხვაა – რომელ ბრენდს და თმის მოვლის საშუალებებს მივანიჭოთ უპირატესობა, როგორ მოვუაროთ სწორად დაყოფილ და გაუხეშებულ თმის ბოლოებს, როგორ შევინარჩუნოთ თმის ფერი და ასე შემდეგ და აი, წარმოგიდგენთ ბრენდს, რომელიც ყველა ამ ამოცანას სრულყოფილად ხსნის.
გერმანული პრემიუმ კლასის ბრენდი Goldwell უკვე ბევრი წელია ჩემი არჩევანი და must-have-ია, რადგან „გოლდველი“ უდავოდ თმის მოვლის ოქროს სტანდარტია.
ჩემი თხელი და ცხიმიანობისკენ მიდრეკილი თმისთვის, როგორც წესი, ვარჩევ GOLDWELL-ის მოცულობის ხაზის არაჩვეულებრივ პროდუქტებს, შამპუნს, კონდიციონერს, მოცულობის სპრეის და მუსს, რომლებიც ჯადოქრობას ატარებენ და ულამაზეს, მდგრად მოცულობას ანიჭებენ ჩემს თმას. რადგან თმის ბოლოები ხშირად მეყოფა და მიუხეშდება, აუცილებლად ვიყენებ ბრენდის 60-წამიან ნიღაბს კვირაში 2-ჯერ და „გოლდველის“ RICH REPAIR შრატს, რომელიც ჩემი გამორჩეულად საყვარელი პროდუქტია, მისი უნიკალური თვისებებიდან გამომდინარე. ვფიქრობ, ეს შრატი ყველა ქალის მოვლის პროდუქტების თაროს უნდა ამშვენებდეს, ისევე, როგორც, „გოლდველის“ თმის მოვლის სრული ხაზები. ლაპარაკით თავს აღარ შეგაწყენთ და აქვე შეგატყობინებთ, რომ ბიუთი რუბრიკაში წარმოგიდგენთ ჩემი საყვარელი ბრენდის GOLDWELL-ის თავის მოვლის საშუალებების ძალიან ფართო და მრავალფეროვან სპექტრს, საიდანაც ვფიქრობ, მარტივად ამოარჩევთ თქვენთვის საჭირო და სასარგებლო პროდუქტებს.
თაკო გვაზავა
ჟურნალ OK!-ს ბიუთი რედაქტორი
