51 წლის მომღერალი, გვენ სტეფანი საკმაოდ დიდი პოპულარობით სარგებლობს და სხვადასხვა ცნობილ ჟურნალებთან ხშირად თანამშრომლობს. ამჯერად მან Paper Magazine-ის გარეკანი დაამშვენა და ფოტოსესიისთვის სხვადასხვა ფერადი, ვინტაჟური და გლამურული სამოსი მოიხდინა.
გარეკანის ფოტოში გვენს ზოლებიანი მაისური და მაღალწელიანი, ლატექსის შარვალი აცვია, რომელსაც მაღალქუსლიანი ფეხსაცმელი და ოქროს აქსესუარები შეუხამა.
ამ იმიჯის გარდა მან რამდენიმე პასტელუ ფერებში გადაწყვეტილი, ვინტაჟური სამოსი მოიხდინა და შესანიშნავად გამოიყურებოდა.
