ყველას ცხოვრებაში არის დღე, რომელიც განსაკუთრებული და გამორჩეულია, სწორედ ამ დროს გვჭირდება ისეთი კომპანია, რომელიც ყველაფერს უფრო მეტად გაგვილამაზებს. ქალაქ ქუთაისში დაარსდა კომპანია – Friend’s Events Group, რომელიც იზრუნებს დამკვეთის განწყობაზე და სრულად იქნება ფოკუსირებული მათი, მთელი დღის გეგმარებაზე.
Ok! ესაუბრა კომპანიის ერთ-ერთ დამფუძნებელს, თამაზ მამასახლისს, რომელმაც უფრო ვრცლად გაგვაცნო Friend’s Events Group.
ეს არის ღონისძიებების ორგანიზების კომპანია, რომელიც 100%-ით მორგებულია თითოეული დამკვეთის სურვილზე. ჩვენ ვზრუნავთ თქვენს განწყობაზე, ვგეგმავთ დღის სრულ განრიგს და ვქმნით დაუვიწყარ გამოცდილებას. ჩვენი მიზანია, ერთ ჩვეულებრივ დღეს მივცეთ ემოციებით სავსე შინაარსი და ვაგრძნობინოთ თავი მართლაც გამორჩეულად.
საიდან გაჩნდა Friend’s Events Group-ის დაარსების იდეა?
ეს არ არის მხოლოდ კომპანია, ეს არის ოცნების გაცოცხლების შედეგი, რომელიც გაჩნდა გულწრფელი დაკვირვებიდან და სურვილიდან, რაღაც განსხვავებული და განსაკუთრებული შემექმნა. იდეა დაიბადა იმ მომენტში, როცა ჩემ გარშემო მყოფ მეგობრებს დავაკვირდი, რამდენად ხშირად სურდათ განსაკუთრებული დღე, მაგრამ ვერ პოულობდნენ გუნდს, რომელსაც ბოლომდე ენდობოდნენ. სწორედ მაშინ მივხვდი, რომ დრო იყო გამეერთიანებინა ის უნიკალური პროფესიონალები, რომლებიც ყოველდღიურად ქმნიან სილამაზეს, ემოციას და შთაგონებას. დღეს კომპანია წარმოადგენს ძლიერ და მრავალმხრივ გუნდს, რომელიც შედგება: ჟურნალისტისგან, ვინც იდეალურად ფლობს ტექსტურ კომუნიკაციას; ღონისძიების წამყვანისგან, ვინც მუხტით ავსებს ნებისმიერ სივრცეს; დიზაინერისგან, ვინც ქმნის იდენტობას და სტილს; ფოტოგრაფისა და ვიდეოგრაფისგან, ვინც თითოეულ კადრში ინახავენ ემოციას; მეიქაფ და ნაილ არტისტისგან, ვინც ვიზუალურ სრულყოფილებაზე ზრუნავენ; თმის მასტერისგან, ვინც ძერწავს განწყობას; სოლო მომღერლისა და ბენდისგან, ვინც მუსიკით ასრულებენ თქვენს განწყობას. მე ისინი გავაერთიანე ერთი იდეის ირგვლივ, შევქმნათ ისეთი გამოცდილება, ვერცერთი სტუმარი რომ ვერ დაივიწყებს. ჩვენ ვირჩევთ ხარისხს, ინდივიდუალურ მიდგომას და გულწრფელ ემოციებს. ასე დაიბადა კომპანია, რომელიც სავსეა სიახლეებით, პროფესიონალიზმით, სიყვარულით და მზად არის, თქვენი დღეები განსაკუთრებულად გადააქციოს.
რა ტიპის ღონისძიებებს გეგმავთ?
ჩვენი მიზანია, თითოეული კლიენტის სურვილი გავხადოთ რეალური. ამისთვის გთავაზობთ განსაკუთრებული მოცულობისა და შინაარსის პაკეტებს, რომლებიც მორგებულია სხვადასხვა ბიუჯეტსა და მოთხოვნაზე. ღონისძიების კონფერენციის შექმნა, დეკორატიული ზონის მოწყობა, წამყვანი ან მუსიკალური გაფორმება, ფოტოგრაფი, პატარა ტორტი ან თემატური ტკბილეული.
როგორი განცდაა, როცა თქვენს შრომას აფასებენ?
ჩვენ თითოეულ ღონისძიებაში ვდებთ არა მხოლოდ გამოცდილებასა და პროფესიონალიზმს, არამედ დიდ დროს, ენერგიასა და გულს. როცა ვხედავთ დამკვეთის თვალებში ნამდვილ სიხარულს, ემოციებსა და მადლიერებას, ეს არის ჩვენი უდიდესი მოტივაცია და დამტკიცება იმისა, რომ სწორ გზაზე ვდგავართ. გადახდილი მადლობა, ერთი გულწრფელი ღიმილი ან ემოციური გამოხმაურება, ჩვენთვის უდრის ასმაგ წარმატებას. ეს მომენტებია, როცა ჩვენი გუნდი განსაკუთრებით ამაყობს იმით, რასაც აკეთებს.
როგორ წარმოგიდგენიათ თქვენი კომპანია 5 წლის შემდეგ?
Friend’s Events Group-ს აქვს მიზანი, რომელიც ყოველდღიური შრომით და ერთგულებით რეალობად გარდაიქმნება. 5 წლის შემდეგ ჩვენ გვიხილავთ, როგორც ერთ-ერთ ყველაზე წარმატებულ, ინოვაციურ და მოთხოვნად ივენთკომპანიას საქართველოში.
ტექსტი: მარიშა ანთია
ფოტო: ანუკი კახიძე, ზაზა კერძევაძე
