კარდაშიანების ყველაზე წარმატებული პროექტი – Keeping Up With the Kardashians-ის რეალითი შოუ, რომელმაც ოჯახს უდიდესი წარმატება მოუტანა, 20 სეზონის და მსოფლიოში ყველაზე ცნობილ კლანად აღიარების პარალელურად, 14 წლის შემდეგ ოფიციალურად 20 ივნისს დასრულდა.
პროექტი, რომელმაც ყველაზე პოპულარული ოჯახის ცხოვრება რადიკალურად შეცვალა, პირველად ეთერში 2007 წლის ოქტომბერში გავიდა.
კრის ჯენერმა და მისმა ქალიშვილებმა ისარგებლეს სწრაფად განვითარებადი სოციალური მედიისა და პერსონალური ბრენდინგის სამყაროთი და ნამდვილი იმპერია შექმნეს, რომელიც მილიარდდოლარიან მაკიაჟის კომპანიას და ტანსაცმლის რამდენიმე ხაზს მოიცავს.
ამიტომაც, რომ Keeping Up With the Kardashians-ის დასრულების შემდეგ კარდაშიანები შესვენებას არ აპირებენ და უკვე ახალი რეალითი შოუს Hulu-ს გადაღებებზე მუშაობენ.
რამდენიმე საათის წინ კრის და კაილი ჯენერები Vintage Grocers-ში გადაღებებზე შენიშნეს.
კრის ჯენერი ხშირად კარდაშიანების იმპერიის ხერხემლად განიხილება. 65 წლის ვარსკვლავი საკუთარი შვილების კარიერას უკვე წლებია ხელმძღვანელობს. ის მონაწილეობდა ოჯახის წარმატებული ბრენდების − Kylie Cosmetics-ისა და KKW Beauty-ის მართვაში.
რეალითი შოუს დაწყებამდე, კრისი ბორტგამცილებლად მუშაობდა, სანამ პირველ მეუღლეს, რობერტ კარდაშიანს შეხვდებოდა. მასთან სამი შვილი − კორტნი, კიმი და ქლოი გაუჩნდა. მას შემდეგ კრისი ბრიუს (ამჟამინდელ ქეითლინ) ჯენერზე დაქორწინდა, რომელიც ეროვნული გმირი და ოლიმპიური ჩემპიონი იყო.
მათ ორი საერთო შვილი ჰყავთ, რეალითი შოუს ყველაზე ახალგაზრდა წევრები − კენდალ და კაილი ჯენერები. გოგონები KUWTK-ში დებიუტის დროს მცირეწლოვანი ბავშვები იყვნენ, ამჯერად კი მსოფლიოში ერთ-ერთი ყველაზე პოპულარული დები არიან.
