39 წლის მომღერალი ეშლი რობერტსი არაჩვეულებრივი ჩაცმის სტილით ნამდვილად გამოირჩევა. ის პაპარაცების ობიექტივში საკმაოდ ხშირად ხვდება, თუმცა მის ფანებს იმედებს არასოდეს უცრუებს და მუდამ შესანიშნავად გამოიყურება. გამონაკლისი ვარსკვლავმა არც ამჯერად დაუშვა, როდესაც ის ლონდონის ქუჩებში სეირნობისას შენიშნეს.
ჯგუფ The Pussycat Dolls-ის მომღერალმა ბრენდ Forever Unique-ის ბეჟი 79,99 ფუნტის ღირებულების კაბა მოირგო, რომელსაც 70-იანი წლების თეთრი, მაღალქუსლიანი ჩექმა და ამავე ფერის, Yves Saint Laurent-ის ჩანთა შეუხამა.
