ერთია, შეგეძლოს ბრენდის ისტორიის პარალელურად, წარსულის ოტ კურიურ კოლექციების მემკვიდრეობის პატივისცემა, მეორე კი შეძლო ამ მემკვიდრეობის სენსაციურ, ბრენდის აწმყო კონცეფციად ტრანსფორმირება.
ქართველი დიზაინერის დემნა გვასალიას შრომას “ბალენსიაგას” მოდის სახლისთვის უშედეგოდ არც წელს ჩაუვლია.
Balenciaga-ს კრეატიული დირექტორი ამერიკის მოდის დიზაინერთა საბჭოს (CFDA) ჯილდოზეა წარდგენილი, ქართველი დიზაინერი წლის ქალის სამოსის საერთაშორისო დიზაინერის კატეგორიაშია ნომინირებული.
დემნა გვასალიას ბალენსიაგასთვის შექმნილი ოტ კუტიურის კოლექცია წლის ერთ-ერთი ყველაზე განხილვადი მოვლენაა.
ქართველმა დიზაინერმა გააცოცხლა ფრანგული მოდის სახლის ესთეტიკა და პარალელურად მასში Street Style ელემენტები შეიტანა. დემნამ საკუთარი დივერსიული იდეები ოტ კურიურის ენად აქცია, რომელსაც კრისტობალ ბალენსიაგას უკვდავი სტილის ელემენტებით ყოველდღიური გარდერობის დეტალები შემატა. დიზაინერისთვის უახლესი კოლექცია შესანიშნავი სიმბიოზი აღმოჩნდა, იმიტომ რომ სამოსში მჭიდროთ იგრძნობოდა ორი რადიკალურად განსხვავებული პოლუსების კავშირი.
“მინდოდა დამეწყო საუბარი თანამედროვე მომხმარებელთან, რომ ოტ კუტიურის ჩაცმის სურვილი მათაც გასჩენოდათ, სწორედ ამ მიზეზით მინდოდა, უბრალო, ყოველდღიური ნაჭრების გამოყენება.”
“ტანსაცმელში მთავარია ის, თუ სამოსი როგორ გვაგრძნობინებს თავს, როგორ მოახერხებს ჩვენს ტრანსფორმაციას. ეს არის მაგია, რომელიც რთულია გამოსცადო Ready-To-Wear კოლექციების შექმნის დროს, როდესაც მოკლე დროში ძალიან ბევრი პროდუქტის შექმნაა საჭირო.”
“იმისთვის, რომ იყო რელევანტური და აქტუალური, აუცილებელია გქონდეს კონტაქტი უდიტორიასთან. ჩემთვის ძალიან მოსაწყენია შექმნა დეკორატიული მოდა და არ ილაპარაკო მსოფლიოსთვის მნიშვნელოვან საკითხებზე. მოდა არის რეალობისა და შემოქმედების ანარეკლი. ჩემთვის წარმოუდგენელია, უბრალოდ დახატო ლამაზი ესკიზები, შექმნა სამოსი და ითვალთმაქცო თითქოს მსოფლიო არ არსებობს შენს გარშემო.”
