ბევრი ადამიანისთვის რთული წარმოსადგენია, თუ როგორ შეიძლება სპორტული მაისური, სვიტერი, ჯინსები და ქურთუკი კლასიკურ ბლეიზერთან და გრანდიოზულ საღამოს კაბასთან ერთად ოტ კურიურის კონცეფციას მივაკუთვნოთ, თუმცა დემნა გვასალიასთვის ეს სრულიად ბუნებრივია.
მოდის ინდუსტრიის ერთ-ერთ ყველაზე პრესტიჟული ღონისძიების “მეტ გალას” წითელ ხალიჩაზე, ქართველი დიზაინერის ჩათვლით ფრანგული მოდის სახლის სამოსით მაყურებლის წინაშე შვიდი სელებრითი წარსდგა.
View this post on Instagram
წყარო: @p_george_13
მეტ გალას წითელი ხალიჩის ერთ-ერთი ყველაზე დასამახსოვრებელი მომენტი ბალენსიაგას “ოტ კუტიურის” თვალისმომჭრელი კაბების გამოჩენა იყო, რომლებიც დემნა გვასალიამ ფრანგული მოდის სახლისთვის წელს პირველად შექმნა.
ტრეისი ელის როსს აცვია ბალენსიაგას კაბა ბრენდის 2021 წლის ოტ კუტიურ კოლექციიდან
გვასალიამ გააცოცხლა ფრანგული მოდის სახლის ესთეტიკა და პარალელურად მასში Street Style
ელემენტები შეიტანა.
დემნამ საკუთარი დივერსიული იდეები ოტ კურიურის ენად აქცია,
რომელსაც კრისტობალ ბალენსიაგას უკვდავი სტილის ელემენტებით ყოველდღიური
გარდერობის დეტალები შემატა.
რიანა
“კუტიური ბალენსიაგას არსია. ეს არის საწყისი წერტილი. არც ჩანთა, არც სპორტული
ფეხსაცმელი, არც ლოგოებითა და პრინტებით გაფორმებული მაისურები. ოტ კუტიური არის
ოსტატობის უმაღლესი დონე. სილუეტები, სამოსის არქიტექტურა და ყველაფერი რაც ფრანგული
მოდის სახლის საძირკველია.”“ჩვენ არ შეგვიძლია მხოლოდ მომავლის განჭვრეტა, პარალელურად უნდა ვათვალიერებდეთ
წარსულს, რომ ვნახოთ საიდან სად მივდივართ. ტანსაცმელი ჩემზე ფსიქოლოგიური ზეგავლენის
მომხდენია. გავაანალიზე, რომ სამოსის შექმნა მაბედნიერებს და მივხვდი იმას, რომ მოდის არსი
სწორედ ამაში მდგომარეობს, ვნებაში, რომლის გამოვლენის საუკეთესო გზაც სწორედ ოტ
კუტიურია.” – დემნა გვასალია
იზაბელ ჰუპერტი, მიკაელა კოელი და ელიოტ პეიჯი მეტ გალას წითელ ხალიჩაზე ბალენსიაგას სამოსით.
კრიტიკოსების შეფასებით მეტ გალას ერთ-ერთი ყველაზე გამორჩეული ჩაცმულობის მქონე ვარსკვლავი კიმ კარდაშიანი გახდა, რომელიც წითელ ხალიჩაზე ბალენსიაგას სამოსით წარსდგა.
ქართველ დიზაინერთან ერთად აღნიშნული “ლუქის” შექმნაში მონაწილეობა რეალითი შოუს ვარსკვლავის ყოფილმა მეუღლემ, რეპერმა და დიზაინერმა ქანიე ვესტმაც მიიღო.
View this post on Instagram
შეგახსენებთ, რომ მეტ გალა ერთადერთი ღონისძიება არ არის, სადაც ქანიე ვესტისა და დემნა გვასალიას კოლაბორაცია შედგა, იქიდან გამომდინარე, რომ ორივე არტისტი სპეციალიზირებულია ისეთი პროდუქციის შექმნაში, რომელსაც სილამაზის პოვნა “სიბნელეშიც” კი შეუძლია, ამერიკელმა რეპერმა ქართველი დიზაინერი საკუთარი ალბომის პრეზენტაციის კრეატიულ დირექტორად დანიშნა.
როგორც უკვე აღვნიშნეთ, 2021 წელი დემნა გვასალიასთვის ეგზომ წარმატებული აღმოჩნდა, მიუხედავად იმისა, რომ ქართველი დიზაინერის სამომავლო გეგმები ფართო მასებისთვის ჯერჯერობით უცნობია, პუბლიკა მის შემდგომ წარმატებულ თანამშრომლობას უკვე მოუთმენლად ელოდება.
