საკონდიტრო-მაღაზია „ლამპონე“ მომხმარებელს საინტერესო გემოსა და ვიზუალის მქონე დესერტებს სთავაზობს. დაუვიწყარი ბავშვობის გემოები და მათი ახალი ინტერპრეტაცია ის მთავარი ნიშაა, რითაც საკონდიტრო ბაზარზე გამოირჩევა.
როგორც „ლამპონეს“ დამფუძნებელი და შეფი, შორენა წითლიძე იხსენებს, კონდიტერიით ბავშობიდან იყო დაინტერესებული.
„მახსოვს, 6-7 წლის ასაკში როგორ ვამზადებდით მე და ჩემი უსაყვარლესი ბებო ახალ-ახალ დესერტებს – ტრადიციულს, თუმცა ჩემი ინტერპრეტაცით გათანამედროვებულს და განსხვავებულს. მაშინაც და დღეს ჩემი დესერტების ძირითად ინგრედიენტს წარმოადგენს ჟოლო. სწორედ ამიტომ სხვადასხვა ქვეყანაში მოგზაურობისას ჩემთვის ყველაზე დიდ ინტერესს ჟოლოს დესერტები იწვევდა. ერთ-ერთი მოგზაურობისას იტალიაში აღმოვაჩინე ჟოლოს დესერტი – სახელად ლამპონე (იტალურად „ჟოლო“), მისმა გემომ კი ბავშვობაში დამაბრუნა“. – ამბობს შორენა წითლიძე.
სწორედ ეს დესერტი აღმოჩნდა შორენასათვის გადამწყვეტი, რომ ჰობი პროფესიად ექცია. აღნიშნულ სფეროში ცოდნა კიდევ უფრო გაიღრმავა, როგორც კულინარიის აკადემიაში სწავლით, ისე სხვადასხვა საკონდიტრო კურსის თუ მასტერკლასის გავლით, ამ ყველაფრის შემდეგ კი გახსნა საკონდიტრო „ლამპონე“, რომელიც უკვე 2 წელია ქართულ ბაზარზე წარმატებით ოპერირებს.
მოგეხსენებათ, რომ ბაზარზე ძალიან ბევრი საკონდიტროა, შესაბამისად, კონკურენციაც დიდია, თუმცა შემფასებელი მომხმარებლებია, რომლებიც ხშირად აღნიშნავენ მხოლოდ „ლამპონესთვის“ დამახასიათებელ ვიზუალსა და გემოებს. წინ ზამთრის სეზონი გველოდება, ახალი წლის ზეიმს კი ყველაზე მეტად „ლამპონეს“ ჯინჯერის ორცხობილები უხდება.
„ჩვენი დესერტები გამოირჩევა ფერებით, დაუვიწყარი გემოებითა და დახვეწილი ვიზუალით. მაგალითად, ჩვენთან მზადდება განსხვავებული რულეტის ტორტი, რომელიც ძალიან მოთხოვნადია ნებისმიერი ტიპის დღესასწაულისთვის“.
როგორც „ლამპონეში“ ამბობენ, მომხმარებელს ბევრი საინტერესო სიახლე, გემრიელი და განსხვავებული გემოები ელოდება.
„ჩვენი გუნდი დაკომპლექტებულია პროფესიონალი კონდიტერებისგან. მათთვის თითოეული მომხმარებლის კმაყოფილება და გულწრფელი ემოციები ძალიან მნიშვნელოვანია. თითოეული მათგანი მომართულია გუნდის გაძლიერებისა და ერთობლივი წარმატებისკენ. კმაყოფილი და მადლიერი მომხმარებელია ყველაზე დიდი მოტივაცია ჩვენთვის, რათა კიდევ ბევრი და საინტერესო სიახლეები შევთავაზოთ ჩვენს ერთგულ მომხმარებელს და მუდმივად გავაგრძელოთ მათი სასიამოვნოდ გაოცება“.
საკონტაქტო ინფო:
მის: ს. ცინცაძის ქ. N77
ტელ: 595 16 00 17
ტექსტი: სოფიო მალანია
ფოტო: შორენა წითლიძე
