CITIZEN-ი ერთ-ერთი ყველაზე წარმატებული ბრენდია საათებისა და ინოვაციური ტექნოლოგიების შექმნაში. იგი დაარსებიდან 100 წლის შემდეგაც განსაკუთრებულ მნიშვნელობას ანიჭებს სრულყოფილებას და მესაათეების ხელით შექმნილ კრეატიულობას.
სამკაულებისა და საათების მაღაზიათა ქსელი TI’ME კი უკვე მრავალი წელია, რაც ბრენდის ექსკლუზიური წარმომადგენელია და მის მომხმარებლებს CITIZEN-ის პროდუქციას სთავაზობს. ამჯერად კი TI’ME-ის წარმომადგენლობამ საზოგადოებას სასიამოვნო სიახლე შესთავაზა და 28 სექტემბერს რუსთაველის ფილიალში CITIZEN-ის ახალი, სპეციალურად ქალბატონებისთვის შექმნილი კოლექციის MAY BELLS-ის პრეზენტაცია გამართა.
მაღაზია ღონისძიებისთვის თემატურად მოეწყო, სადაც სტუმრებისთვის ზუსტად ისეთი დახვედრა გაიმართა, როგორიც ბრენდს შეეფერება. წითელი ხალიჩა, უგემრიელესი სასმელები, ბრენდირება კოლექციის ვიზუალით, ყვავილების დეკორაციები… ეს ყველაფერი იმისთვის მოეწყო, რომ პრეზენტაციაზე მისულ თითოეულ სტუმარს თავი Citizen May Bells-ის ულამაზეს სამყაროში ეგრძნო.
ღონისძიების მთავარი და ძირითადი ნაწილი დაეთმო კოლექციის წარდგენას და ბრენდის ისტორიას, რომელსაც პრეზენტატორი TI’ME-ის ტრენერი და განვითარების მენეჯერი – ლანა ლაგვილავა უძღვებოდა.
რაც შეეხება სტუმრებს, მათ შორის იყვნენ როგორც TI’ME Club-ის წევრები და მედიის წარმომადგენლები, ასევე სილამაზისა და მოდის ინდუსტრიის ვლოგერები და ინფლუენსერები.
მოგეხსენებათ, ბრენდის თითოეული მოდელი გამოირჩევა სადა და დახვეწილი ვიზუალით და მკაფიოდ გამოხატავს მფლობელის გემოვნებას, სტილსა და ხასიათს. ახალი კოლექციის საათს მარგალიტის გარდამავალი ფერების სადაფი აქვს, რომელზეც კლასიკად აღიარებული რომაული ციფრებია გამოსახული. ესთეტიკურ მახასიათებლებთან ერთად, აღსანიშნავია, რომ საათი ბრილიანტის თვლებით არის შემკული.
Citizen May Bell-ის ინსპირაცია გაზაფხული, ყვავილები და ბედნიერების შეგრძნებაა. სწორედ ამ იდეით შეიქმნა ლიმიტირებული კოლექცია, რომლის საათის მორგებისას განსაკუთრებულად დელიკატური შეგრძნება დაგეუფლებათ.
აღსანიშნავია, რომ CITIZEN L 2016 წლიდან ელეგანტური დიზაინის, მდგრად საათებს აწარმოებს. კოლექციის ერთ-ერთი მთავარი ნიშა Eco-Drive მექანიზმია, რომელიც სინათლის ნებისმიერი წყაროთი იტენება და ელემენტის შეცვლას არასდროს საჭიროებს. კომფორტთან ერთად, Eco-Drive მექანიზმი გარემოზე ზრუნვის შესაძლებლობასაც გვაძლევს.
CITIZEN MAY BELLS-ის კოლექციაში წარმოდგენილი საათები, კლასიკური დიზაინითა და ინოვაციური მექანიზმით, მარადიული აქსესუარის სახელს იმკვიდრებს. მათი მორგება TI’ME-ის მაღაზიათა ქსელშია შესაძლებელი.
