ინტერვიუ ბრედ პიტთან და მარკ პერინთან, როგორც Le Domaine-ის დამფუძნებლებთან. მრავალწლიანი მეგობრობისა და პარტნიორობის, Château Miraval-ში ერთ–ერთი უმაღლესი ხარისხის ღვინის rosé-ს წარმოების შემდეგ, მათ ბედი სილამაზის ინდუსტრიაში სცადეს. მარკ პერინის ოჯახი და წინაპრები მეღვინეობას 1909 წლიდან მისდევდნენ. მისი ოჯახი დღეს ფლობს ცნობილ Château de Beaucastel-ს. მარკი დღეს Miraval- Provence and Vins-ისა და Domaines Perrin-ის გენერალური დირექტორია.
როგორ შეხვდი პერინების ოჯახს?
2012 წელს ერთმანეთი საერთო მეგობარმა გაგვაცნო. ჩემმა ახლობელმა მარკის გაწეული საქმიანობა Beaucastel-ში დადებითად დაახასიათა. მას შემდეგ ჩვენ ერთნაირი ინტერესები და ღირებულებები გვაქვს. (ბრედი)
რამ გადაგაწყვეტინათ კანის მოვლის ბრენდის შექმნა?
ეს იდეა დიდი ხნის განმავლობაში მქონდა, თუმცა, როდესაც მარკმა მითხრა, რომ პროფესორებთან ერთად კვლევა ჩაატარა, რის მიხედვითაც კიდევ უფრო ბევრი რამ შეიტყო ყურძნისა და ვაზის ფოთლის დადებითი მხარეების შესახებ, მუშაობა უმალვე დავიწყეთ.
ჩვენი მიზანი იყო რაც შეიძლება ბევრი ბუნებრივი ინგრედინეტი ყოფილიყო ბრენდის პროდუქტებში. (ბრედი)
რამდენად იყავი ჩართული ბრენდის შექმნით პროცესში?
მაქსიმალურად. მივიღე მონაწილეობა როგორც ბრენდის სახელისა და შეფუთვის დიზაინის შექმნის პროცესში, ასევე ვადევნებდი თვალს ტესტირებებს, რომლებიც პროდუქტებზე ჩატარდა. ძალიან მომწონს ჩვენი კრემის ტექსტურა, რა შემიძლია ვთქვა, ჩემთვის, კალიფორნიის მზის ქვეშ Le Domaine-ისკრემი ყველაზე კარგი დამცავი საშუალებაა. (ბრედი)
რატომ შეარჩიეთ კონკრეტული დიზაინი შეფუთვისთვის?
ჩვენ ვთანამშრომლობდით ფრანგ დიზაინერებთან, ადგილობრივ ექსპერტებთან. გვინდოდა დიზაინი ყოფილიყო ბუნებრივი, თუმცა ამავდროულად დახვეწილი და მინიმალისტური.
ძალიან მიყვარს არქიტექტურა დადიზაინი, შესაბამისად შეფუთვა ოდნავ ექსცენტრულია. არის ასევე ხის ელემენტები, რომლებიც ბუნებრივობის შეგრძნებას კიდევ უფრო იძლევა. (მარკი)
რა გამოარჩევს Le Domaine-ს სილამაზისსხვა ბრენდებისგან, რომლებიც ჰოლივუდის ვარსკვლავებმა შექმნეს?
Le Domaine არ არის ჩემთვის“სელებრითული ბრენდი”. ეს არისანტი–ასაკობრივი ბრენდი ქალებისთვისდა მამაკაცებისთვის. ძალიან მომწონს გენდერნეიტრალური ბრენდის იდეა. (ბრედი)
ფილოსოფია Le Domaine-ის უკან არის…
ვიტყოდი ავთენტურობა, სინამდვილე და უპირველესობა. ჩვენ მაქსიმალურად გვაქვს აქცენტი გადატანილი ბუნებრივობაზე, რაც, ვფიქრობ, რომ დღევანდელობაში იშვიათია. ბრენდი თავდაპირველად შევქმენით როგორც სტარტაპი, გვინდოდა შეგვექმნა პროდუქტი, რომელიც ნაკლებ ზიანს მოუტანდა პლანეტას.
ამასთან ერთად ჩვენ ვმუშაობთ საქველმოქმედო ორგანიზაციებისთვის, ვეხმარებით ფინანსურად ProGeLife-ს, რომელიც იკვლევს იშვიათი დაავადებების მიზეზებს. (მარკი)
თქვენ ახსენეთ, რომ პლანეტას ნაკლებზიანს აყენებთ, რაში გამოიხატება ესყველაფერი?
ვიყენებთ შეძლებისდაგვარად მინიმალური რაოდენობის პლასტმასს. ხის ელემენტებს კი შეფუთვაში ხშირად შეხვდებით. (მარკი)
სად შეუძლიათ მომხმარებლებს შეიძინონ თქვენი პროდუქცია?
Le Domaine-ის ხაზის პროდუქტების შეძენა შესაძლებელია საიტზე le-domaine.com, ისევე როგორც მაღაზიებში. ჩვენი პროდუქტები გაიყიდება ევროპის ქვეყნებში, სამი წლის ვადაში კი Le Domaine-ის ხაზს ყველა კონტინენტზე ვიხილავთ. (მარკი)
