ქუთაისში, ისტორიული თეთრი ხიდის მიმდებარედ, საერთაშორისოდ აღიარებული სტანდარტების სასტუმრო Best Western Kutaisi – „ბესთ უესთერნ ქუთაისი“ ტურისტებს ყოველდღიურად მასპინძლობს. სასიამოვნო სივრცე, უძველესი ქუთაისის საინტერესო ხედები, მომსახურების მაღალი ხარისხი და სტუმრები, რომლებსაც იმდენად მოსწონთ მრავალფუნქციური სასტუმრო, რომ გამეორებითაც ამავე სასტუმროს ირჩევენ და მომსახურების მიმართ კმაყოფილებას გამოხატავენ.
მიმდინარე სიახლეებისა და მომსახურების შესახებ სასტუმროს გენერალური მენეჯერი და დირექტორი, ვალერი მეტრეველი გვესაუბრება.
გვიამბეთ სასტუმროს შესახებ
„ბესთ უესთერნ ქუთაისი“ არის სასტუმრო, რომელიც აერთიანებს 45 ოთახს, აქედან 40 სტანდარტულია, 5 კი მაღალი კატეგორიის.
ასევე, გვაქვს დამატებითი სერვისები: საკონფერენციო სივრცე, რესტორანი The View – „ზე ვიუ“, ბოლო სართულზე ქალაქის საუკეთესო ხედებით და სრულიად ახალი რესტორანი Fluffy’s – „ფლაფის“ ქვედა სართულზე. ქუთაისში ჩვენ ერთადერთი საერთაშორისო ბრენდის სასტუმრო ვართ, რომელიც მსოფლიოს მასშტაბით 5 000-მდე სხვადასხვა სასტუმროს აერთიანებს, რაც მომსახურების სფეროში როგორც მოთხოვნას, ისე სტანდარტს კიდევ უფრო გვიზრდის.
რას იტყვით მომსახურების და სერვისის შესახებ?
ჩვენი სერვისი და ხარისხი, სხვა სასტუმროებთან შედარებით, გაცილებით გამორჩეულია. ქუთაისის ბაზარი მზარდია, ემატება და იხსნება სხვადასხვა საერთაშორისო სასტუმროები. თუმცა ჩვენ ვართ ის, ვინც სტანდარტებს აწესებს და მომსახურების სფეროში სხვა სასტუმროები მაგალითს სწორედ ჩვენგან იღებენ. სტანდარტია საერთაშორისო ბრენდის მოთხოვნა, რაც გულისხმობს მომსახურების დონეს, ოთახის ტიპს, სისუფთავეს, თანამშრომლების გადამზადება-ტრენინგებს, ტრანსპორტირებას, დაზღვევას, რაშიც აქტიურად ვართ ჩართული. აქვე უნდა აღინიშნოს, რომ ყოველწლიურად საერთაშორისო ბრენდისგან სრული შემოწმება ტარდება. ყველა ამ გადამოწმების შემდეგ იმდენად კარგ, მოწინვე პოზიციაზე ვართ, რომ უმაღლეს შეფასებას ვიღებთ. არამხოლოდ საქართველოში, მსოფლიოშიც კი ერთ-ერთი საუკეთესო შედეგები გვაქვს. ვზრუნავთ სასტუმროში დასაქმებულთა განვითარებაზე. ასევე, მაღალი დონის პროფესიონალებისგან თანამშრომლების გადამზადება ხდება. შეიძლება ითქვას, ერთი დიდი ოჯახია, სადაც ყველა ერთმანეთს ეხმარება, განვითარებაში წვლილი შეაქვთ და ამ ფორმით მომხმარებელს საუკეთესო სერვისს ვთავაზობთ.
სასტუმროს რამდენად ხშირად სტუმრობენ განმეორებით?
დავიწყებ იქიდან, რომ ჩვენს ნებისმიერ სტუმართან მაქვს კომუნიკაცია, ეს როგორც ჩემთვის, ისე სტუმრებისთვის ძალიან საინტერესო პროცესია თავისი უკუკავშირით. შესაძლოა იყოს გამოწვევა, რომელზეც კონკრეტულმა სტუმარმა ისაუბროს. ასეთ დროს იმ მომენტიდანვე საკითხის მოგვარებას ვიწყებთ, რაც, თავისთავად, მათ კმაყოფილებას იწვევს. მაგალითისთვის, ერთი თვის წინ ნამყოფი სტუმარი ისევ რომ გვიბრუნდება, ვთავაზობთ განსხვავებულ სიტუაციას მრავალფეროვნების მხრივ.
რატომ უნდა აირჩიოს მომხმარებელმა „ბესთ უესტერნ ქუთაისი“?
ჩვენ გვაქვს მომსახურების დონე, ინვენტარით აღჭურვილი ოთახები, სიმშვიდე, საოცარი მდებარეობა, კვებისა და სასმელების განსაკუთრებულობა. საერთაშორისო ბრენდი გვიწესებს სტანდარტებს, რომლის მიხედვითაც თითოეულ სტუმარს ვემსახურებით.
ასევე, ყოველდღიურად ვვითარდებით, ვცდილობთ სიახლეები შექმნათ. ტკბილეულის კაფე „ფლაფის“ უახლოესი სიახლეა, სადაც მყუდრო გარემო, სასიამოვნო მუსიკა, მრავალფეროვანი მენიუს დასახელება დახვდება თითოეულ სტუმარს. ასევე ყავა, გამაგრილებელი სასმელი, ბელგიური ვაფლი, კრეპები, ნაყინი, სხვადასხვა სახეობის ჩაი, რაც, შეიძლება ითქვას, თამამი განაცხადია.
არა მხოლოდ ტურისტებს, არამედ ჩვენს თანაქალაქელებსაც ვთავაზობთ საინტერესო მენიუს, ვმასპინძლობთ ოჯახებს, წყვილებს, გვაქვს ნათლობის, დაბადების დღის სუფრები. ქართული, ევროპული და ამერიკული სამზარეულო ერთმანეთთან საინტერესოდ არის შერწყმული. გვყავს საერთაშორისო სტანდარტის მიერ გადამზადებული შეფმზარეული. თითოეული პუნქტი ქმნის იმ განსხვავებას, რომლითაც ადგილობრივ თუ საერთაშორისო ბაზარზე გამოვირჩევით.
ტექსტი: ნანა კუკულავა
ფოტო: ნინი გორდაძე
