სამოსის ქართულ ბრენდს „მარიამორს“ ჟურნალ OK!-ის მკითხველი კარგად იცნობს. ამჯერად სიახლეებით დაგიბრუნდით, რადგან გაზაფხულის მოსვლასთან ერთად ბრენდი ძალიან მრავალფეროვანი და კომფორტული სამოსით წარდგა საზოგადოების წინაშე. გარდა ამისა, შეიქმნა სივრცე – MARIAMMOR Beauty Corner/სილამაზის კუთხე მარიამორი, რომელიც ემსახურება როგორც ქალბატონებს, ისე მამაკაცებს თავის მოწესრიგებისა და ესთეტიკის მიმართულებით. გთავაზობთ ინტერვიუს ბრენდის დამფუძნებელ მარიამ ჯანელიძესთან, რომელიც უფრო ვრცლად გვიამბობს ამ და სხვა სიახლეების შესახებ.
ჟურნალი OK!-ის მკითხველი „მარიამორს“ უკვე კარგად იცნობს. ამჯერად რა სიახლეებს სთავაზობთ საზოგადოებას?
ბრენდი „მარიამორი“ ყველა სეზონზე ცდილობს შექმნას განსხვავებული და გამორჩეული სამოსი. არც ეს სეზონი იქნება გამონაკლისი და მარტის ცვალებადობასთან ერთად MARIAMMOR-მაც ფერადი შერეული კოლექცია გამოუშვა.
აქვე მინდა გიამბოთ ერთი ძალიან კარგი სიახლის შესახებ. ჩვენი მომხმარებლებისთვის შევქმენით სივრცე – MARIAMMOR Beauty Corner/სილამაზის კუთხე მარიამორი, რომელიც ემსახურება როგორც ქალბატონებს, ისე მამაკაცებს თავის მოწესრიგებისა და ესთეტიკის მიმართულებით.
როგორია „მარიამორის“ საგაზაფხულო კოლექცია? როგორი სამოსი იქნება აქტუალური გაზაფხულის სეზონისთვის?
გაზაფხულის სეზონისთვის ჩვენს ერთგულ მომხმარებლებს ვთავაზობთ დახვეწილ, კლასიკურ ორეულებს, ასევე ფერად კაბებს და ხელნაკეთ ჩანთებს, რომელიც აპრილის თვიდან გაიყიდება.
სად შეგვიძლია „მარიამორის“ სამოსის შეძენა?
MARIAMMOR-ის სამოსის შეძენას შეძლებთ ონლაინ – ინსტაგრამ და ფეისბუქგვერდზე, ასევე ჩვენს საიტზე – Mariammordesign.com. აქვე მინდა აღვნიშნო, რომ ბრენდს აქვს ატელიე, სადაც მომხმარებელი შეძლებს საკუთარი დიზაინის შექმნას, გადაკეთებას და სხვა ნებისმიერი სირთულის სამოსის შეკვეთას.
თქვენზეც გვიამბეთ, რამდენი ხანია, რაც ამ სფეროში მოღვაწეობთ?
მე 21 წლის დიზაინერი გახლავართ. მეოთხე წელი დაიწყო, რაც ამ სფეროში ვმოღვაწეობ და მახარებს ის ფაქტი, რომ ჩემი ბრენდის სამოსით უამრავი მომხმარებელი მხვდება.
აქვე მინდა აღვნიშნო, რომ საკუთარ თავზე მნიშვნელოვანი ის დიდი ოჯახია, რომელიც ამ სამოსს ქმნის და შემდეგ თქვენამდე მოაქვს.
რაც შემეხება მე, ეს საქმე უდიდესი რისკის და მონდომების შედეგია. ძალიან ბევრ ჩავარდნასა და ნერვიულობასთან არის დაკავშირებული, თუმცა მოტივაციას და სტიმულს ის შედეგი მაძლევს, რასაც საბოლოო ჯამში ვიღებთ.
მიყვარს ჩემი სივრცე, „მარიამორის“ გუნდი და უკვე MARIAMMOR Beauty Corner-ის ჯგუფი. ორივე ჩემი ოჯახია, ყველაფერში მხარში მიდგანან, რჩევებს ვიღებ მათგან და დიდ სტიმულს მაძლევენ…
თავად როგორი სტილის სამოსს ანიჭებთ უპირატესობას?
სიმართლე გითხრათ, ხასიათს გააჩნია, ვინაიდან ძალიან ცვალებადი ხასიათი მაქვს. არის დღე, როცა მხოლოდ მუქ ფერებს ვამჯობინებ, არის დღე, როცა ღია ფირუზისფერი მაცვია. არ მომწონს წითელი, მწვანე და მუქი ყავისფერი. ძირითადად კლასიკურ სტილს ვანიჭებ უპირატესობას, თუმცა ხანდახან სპორტულსაც ვირგებ.
როგორია თქვენი სამომავლო გეგმები?
სამომავლო გეგმებს არასდროს ვახმოვანებ, თუმცა ვიტყვი, რომ გაჩერებას და დანებებას არ ვაპირებ.