როგორც იცით, რამდენიმე დღის წინ ინგლისელი პოპვარსკვლავი დუა ლიპა და ამერიკელი მოდელი ანვარ ჰადიდი ერთმანეთს ორწლიანი ურთიერთობის შემდეგ საბოლოოდ დაშორდნენ.
წყვილი ერთმანეთს ოფიციალურად 2019 წლიდან ხვდებოდა და ერთად არაერთ გლამურულ ღონისძიებაზეც გამოჩნდა… 2020 წელს მოდელმა პოპვარსკვლავის მუსიკალურ ვიდეო Levitating Remix-შიც მიიღო მონაწილეობა.
დუასთან და ანვართან დაახლოვებული სანდო წყარო იუწყებოდა, რომ მათი ურთიერთობა სერიოზულ ეტაპზე გადადიოდა.
თუმცა, აღნიშნული ინფორმაცია მართალი არ აღმოჩნდა, რამდენიმე საათის წინ, ბრიტანულმა და ამერიკულმა ტაბლოიდებმა ოფიციალური ინფორმაცია გაავრცელეს, რომ წყვილი ერთმანეთს საბოლოოდ დაშორდა.
“მათ ძალიან უყვარდათ ერთმანეთი, თუმცა, ურთიერთობაში გაჩნდა პრობლემები, მათ ჰქონდათ კრიზისი, რაზეც მუშაობდნენ, თუმცა საბოლოოდ არაფერი გამოვიდა.”
