„ანოკოშა“ ქართული ბრენდია, რომელიც საზოგადოებას ჩანთებისა და აქსესუარების მრავალფეროვან არჩევანს სთავაზობს. წარმოდგენილი პროდუქცია იკერება და მუშავდება ხელით, სწორედ ეს ხდის მას ძვირფასს და უნიკალურს. როგორია მუშაობის პროცესი და რა სტილის პროდუქციას გვთავაზობს ბრენდი, დამფუძნებელი ანო შაქარიშვილი გვიამბობს.
გაგვაცანით ბრენდი. რას სთავაზობთ საზოგადოებას?
„ანოკოშა“ არის ქართული ბრენდი, რომელიც აწარმოებს ტყავის ჩანთებსა და აქსესუარებს. ჩვენი პროდუქციისთვის დამახასიათებელია ოვალური ფორმები და გადაწყვეტილია რეტრო სტილში.
როგორია ჩანთების შექმნის პროცესი?
ჩანთების შექმნის დროს არ ვაკეთებთ ჩანახატებს, დიზაინი იქმნება კეთების პროცესში სხვადასხვა ნაწილის გადაკეთებით, რაც ჩემთვის ყველაზე სასიამოვნო და საინტერესო პროცესია.
რა თქმა უნდა, ბევრი მუშაობის შედეგად ბრენდი ვითარდება და პროგრესირდება, რაც პროდუქტის ხარისხში გამოიხატება.
რა მასალებს იყენებთ?
„ანოკოშას“ ყველა პროდუქტი იკერება და მუშავდება ხელით, სწორედ ეს ხდის ჩვენს პროდუქციას ძვირფასს და უნიკალურს.
რაც შეეხება მასალას, წარმოებისთვის ვიყენებთ იმპორტირებულ ტყავს, უმეტესად თურქეთიდან და იტალიიდან.
როდის შეიქმნა ბრენდი?
3 წელია, რაც ჩვენი ბრენდი წარმოდგენილია ქართულ ბაზარზე. ამ დროის განმავლობაში ბევრი კმაყოფილი მომხმარებელი გვყავს. აღსანიშნავი და სასიხარულოა ის, რომ ბევრმა ემიგრანტმა შეიძინა ჩვენი პროდუქცია. ბრენდი „ანოკოშა“ სთავაზობს მომხმარებლებს გამორჩეული დიზაინისა და ხარისხის ჩანთებს, რომელიც მუდმივად მოთხოვნადი და ტრენდულია.
გვესაუბრეთ სტილზე.
მართალია, „ანოკოშა“ აწარმოებს კლასიკური სტილის ჩანთებს, მაგრამ ეს არ გამორიცხავს იმას, რომ ჩვენმა ბრენდმა ფეხი არ აუწყოს თანამედროვე ტენდენციებს. „ანოკოშას“ ჩანთები, რომელიც სიყვარულითა და ბევრი შრომის შედეგად მზადდება, გახდება ნებისმიერი ადამიანის საყვარელი ნივთი. რა თქმა უნდა, ამას გამოცდილება გვალაპარაკებს.
სად შეგვიძლია პროდუქციის შეძენა?
ჩვენი პროდუქციის შეძენა შეგიძლიათ ჩვენი Facebook და Instagram გვერდების საშუალებით. აღსანიშნავია ისიც, რომ ჩვენ ვამზადებთ ინდივიდუალურ შეკვეთებსაც.
როგორია ბრენდის სამომავლო გეგმები?
დიდი იმედი მაქვს, რომ „ანოკოშა“ გახდება ერთ-ერთი გამორჩეული ქართული ბრენდი, რომელიც მსოფლიოს მასშტაბით გახდება ცნობილი. ასევე დიდი სურვილი მაქვს, გაიხსნას „ანოკოშას“ შოურუმი, სადაც უშუალოდ შეეძლებათ ადამიანებს დაათვალიერონ და შეიძინონ ჩვენი ბრენდის ჩანთები და ტყავის სხვადასხვა აქსესუარი, თუმცა მანამდე ვგეგმავთ საიტის გაშვებას, სადაც მომხმარებლებს ჩვენი კატალოგის ნახვა და ონლაინ შეძენაც შეეძლებათ, მანამდე კი სოციალური ქსელებით შემოვიფარგლებით.
