ენ ჰეთევეისთვის დატვირთული პრეს-ტური სტილისტურ ქაოსად არ ქცეულა – პირიქით, მსახიობმა ის მოდური ნარატივის შექმნის შესაძლებლობად აქცია. მაშინ, როცა ჰოლივუდის ვარსკვლავები ხშირად ერთი პროექტის ესთეტიკაში იკარგებიან, ჰეთეუეიმ ერთდროულად ორი სრულიად განსხვავებული ფილმის პოპულარიზაცია ერთიან სტილურ ისტორიად გადააქცია.
2026 წელს მსახიობი პარალელურად წარადგენს როგორც The Devil Wears Prada 2-ს, ისე ფსიქოლოგიურ დრამა-თრილერს Mother Mary-ს – და სწორედ ამ კონტრასტმა აქცია მისი პრეს-ტური თანამედროვე წითელი ხალიჩის ერთ-ერთ ყველაზე საინტერესო მოდურ ექსპერიმენტად. ერთი მხრივ, მაყურებელი ელოდება ენდი საქსის დაბრუნებას მოდის სამყაროში, მეორე მხრივ კი უფრო მუქ, ემოციურად ინტენსიურ კინოს. ჰეთეუეის გარდერობიც სწორედ ამ ორ განწყობას შორის მოძრაობს.
ამ პრეს-ტურის მთავარი ვიზუალური კოდი ე.წ. „naked dress“ გახდა – გამჭვირვალე, მსუბუქი ქსოვილების კაბები, რომლებიც ბოლო სეზონებში წითელი ხალიჩის ერთგვარ ძალაუფლების სიმბოლოდ იქცა.
ნიუ-იორკში გამართულ Mother Mary-ის listening party-ზე მსახიობი Calvin Klein Collection-ის 2026 წლის შემოდგომის პოდიუმიდან შერჩეული ბადისებრი კაბით გამოჩნდა, რომელსაც შავი ყვავილები ამშვენებდა. მხრებზე დაუდევრად გადაკიდებული პიჯაკი, oversized სათვალე და კლასიკური შავი აქსესუარები ლუქს მინიმალისტურ დრამატულობას მატებდა.
ამავე ფილმის პრემიერის კიდევ ერთ წითელ ხალიჩაზე ჰეთევეი Lever Couture-ისთვის სპეციალურად შექმნილი კაბით გამოჩნდა, რომელიც მოციმციმე, ნახევრად გამჭვირვალე ქსოვილის ტალღოვანი ფენებისგან არის შექმნილი. ლუქი მან მეტალისფერი Christian Louboutin-ის ფეხსაცმლითა და ეფექტური Bvlgari-ის სამკაულებით დაასრულა, რაც მთლიან ვიზუალს გლამურულ, თუმცა ცოტაოდენ დრამატულობას მატებდა.
ასევე დაგაინტერესებთ
#OK! 2006 vs 2026 – ,,The Devil Wears Prada” 20 წლის შემდეგ წითელ ხალიჩაზე
