#OK! 8elements - საკოლექციო მინერალები, სამკაულების ასაწყობი აქსესუარები და დიზაინერული პროდუქცია ერთ სივრცეში

8elements გახსნის დღიდან ანებივრებს მომხმარებლებს მუდმივად განახლებადი კოლექციებით. 8elements-ში ბუნებრივი ქვების, მინერალებისა და ასევე ხელოვნებისთვის განკუთვნილი მასალების ძალიან ფართო არჩევანი დაგხვდებათ. აღსანიშნავია ისიც, რომ 8elements-ს აქვს თავისი ბრენდირებული სამკაულების ხაზი, რომელიც ყველა ასაკის მომხმარებელზეა გათვლილი და დიდი პოპულარობით სარგებლობს.

8elements-ის ისტორია გაყიდვებსა და საერთაშორისო მოლაპარაკებებში გამოცდილმა ბელა შათირიშვილმა 9 წლის წინ დაიწყო 2 კვ.მ ფართობიდან, სადაც პირველ მომხმარებლებს პირადად ეხმარებოდა, ხოლო შემდეგ გააფართოვა და 2 ფილიალი დაამატა.

პანდემიამდე 8elements-ის გუნდი ნამყოფია წამყვან ევროპის მინერალოგების გამოფენებზე, სადაც დამყარდა სანდო კავშირები და ჩამოტანილ იქნა უნიკალური მინერალები.

ახალგაზრდებისთვის სადა, ბუნებრივი ქვებისგან გაწყობილ სამაჯურებს 15-19 ლარში შეიძენთ, სამკაულები, ბუნებრივი ქვის სამაჯურით გაფორმებული საათები, რომელთა დიზაინსაც სხვაგან ვერსად შეხვდებით, 27-45 ლარი დაგიჯდებათ, ყელსაბამის ფასები კი 45-65 ლარამდე მერყეობს. ყველაზე ძვირადღირებული აქ მარგალიტის არჩევანია. ექსკლუზიური და განუმეორებელი მოდელების შეძენა თავისი შეფუთვით, ადგილზე მისვლის გარეშე, მიტანის სერვისის მეშვეობითაც შეგიძლიათ. თანხის ჩარიცხვიდან 2-3 დღის განმავლობაში სასურველ სამკაულს ან მინერალურ ქვას საქართველოს ნებისმიერ რეგიონში მიიღებთ.

აღსანიშნავია, რომ სურვილის შემთხვევაში, ნებისმიერ მომხმარებელს აქვს შესაძლებლობა ადგილზე არსებული დაუმუშავებელი და დამუშავებული მინერალების მაგალითზე შეისწავლოს მათი გარჩევის ძირითადი პრინციპები. აგრეთვე მნიშვნელოვანია ისიც, რომ მინერალების შერჩევა და სასურველი სამკაულის აწყობა მომხმარებლის აქტიური ჩართულობით, აღმაშენებლის გამზირზე არსებულ ფილიალშია შესაძლებელი.