OK! გთავაზობთ 6 სულისშემძვრელ და მომნუსხველ ფილმს, რომლის გამოსვლასაც ყველა ველოდით. სკანდალები, დრამები, მართლმსაჯულება თუ სურვილი ძალაუფლების მიღწევის… ეს ის არასრული ჩამონათვალია, რასაც ამ ფილმებში აუცილებლად შეხვდებით.
გუჩის სახლი (House of Gucci)
ფილმი იტალიური მოდის სახლის, GUCCI-ს, ისტორიას გვიამბობს, სადაც თავმოყრილია სიგიჟე და გლამური, ძალაუფლების წყურვილი და სიყვარული, ღალატი, დაცემა და შურისძიება. თუმცა სადამდე შეიძლება მიიყვანოს ადამიანი ძალაუფლებისკენ სწრაფვამ და სახელზე ზრუნვამ? 1995 წელს GUCCI-ს დამფუძნებლის შვილიშვილსა და მემკვიდრეს მისივე ყოფილი ცოლის, „შავი ქვრივის“, ბრძანებით მოკლავენ… ფილმში ყველასათვის ნაცნობი და საყვარელი მსახიობები – ადამ დრაივერი, ლედი გაგა, ჯარედ ლეტო და ალ პაჩინო – თამაშობენ. ფილმი 2021 წლის 24 ნოემბერს გამოვა.
სპენსერი (Spencer)
ფილმი მოგვითხრობს პრინცესა დაიანას ხანმოკლე ცხოვრების შესახებ. ცნობილია, რომ სპენსერში განსაკუთრებული ყურადღება გამახვილებულია დაიანას ცხოვრების იმ ეტაპზე, როდესაც იგი პრინც ჩარლზთან განქორწინებას გადაწყვეტს. მთავარ როლს ასრულებს კრისტენ სტიუარტი, რომლის ვიზუალმაც მაყურებელი უკვე არაერთხელ მოხიბლა. ფილმის პრემიერა 2021 წლის შემოდგომაზე შედგება.
პატივისცემა (Respect)
ფილმი მოგვითხრობს ლეგენდარული R&B მომღერლის, ანეტა ფრანკლინის ცხოვრების ამბავს. მთავარ როლს ოსკარის ლაურეატი ჯენიფერ ჰადსონი ასრულებს. ფილმის ნახვა უკვე შესაძლებელია.
უკანასკნელი დუელი (The last duel)
რიდლი სკოტის უკანასკნელი დუელი გახლავთ შუა საუკუნეების პერიოდის ანარეკლი, როდესაც სამართლიანობა და ეთიკა რაინდობის კოდექსით განისაზღვრებოდა. ფილმში ნაჩვენებია დანაშაული და აღწერილია საფრანგეთში გამართული სასამართლო პროცესი. უკანასკნელი დუელი გამოირჩევა იმითაც, რომ იგი რეალურ ამბავზეა დაფუძნებული. ფილმის პრემიერა 2021 წლის 15 ოქტომბერს შედგება.
ანეტი (Annette)
ლეოს კარაქსის ფილმი ანეტი ლოს-ანჯელესში მცხოვრები ერთ-ერთი ბედნიერი სელებრითი წყვილის შესახებ გვიამბობს, რომელთა გლამურული ცხოვრება რადიკალურად იცვლება მას შემდეგ, რაც ქალიშვილი, ანეტი, შეეძინებათ. ფილმში მთავარ როლებს ასრულებენ ადამ დრაივერი და მარიონ კოტიარი. ფილმის პრემიერა 6 ივლისს გაიმართა.
დაკარგული ლეონარდო (The lost Leonardo)
ფილმი ლეონარდო და ვინჩის ერთ-ერთი ნახატის შესახებ გვიამბობს, რომელიც ნიუ ორლეანის აუქციონზე გაიყიდება. დროთა განმავლობაში, მას შემდეგ, რაც მისი ღირებულება იწევს, ჩნდება არაერთი შეკითხვა, რეალუარად ნამდვილად ლეონარდო და ვინჩის ნახატია იგი თუ არა. ფილმის მსოფლიო პრემიერა 2021 წლის 13 ივნისს გაიმართა.
