#OK! 5 ფრაზა, რომლებიც ახალგაცნობილ “ქრაშს” არ უნდა უთხრათ

ხშირად საყვარელ ადამიანებთან კომუნიკაცია ძალიან რთულია, მაშინაც კი, როდესაც მათთან შეხვედრამდე საუბარს გონებაში მრავალჯერ წარმოვიდგენთ.

გთავაზობთ ერთ-ერთ ყველაზე გავრცელებულ ფრაზებს, რომელთა დავიწყებაც უხერხული მომენტების თავიდან აცილებაში დაგეხმარებათ.

1. ნუ გამოამჟღავნებთ იმას, რომ “ქრაშის” ფიდი სიტყვასიტყვით გაქვთ შესწავლილი.

“კი, ვიცი, შენს Facebook-ზე ვნახე.”

თუ თქვენი “ქრაში” გეუბნებათ, რომ რამდენიმე კვირის წინ ძალიან მაგარ ფილმს უყურა, ან მეგობრებთან ერთად კლუბში გასართობად იყო წასული და ამ დროს თქვენ სოციალური ქსელიდან ყველაფერი იცით, არ შეაშინოთ და თავი ისე დაიჭირეთ, ვითომც არაფერი.

“უი, მართლა? ძალიან კარგი.”

2. “კიდევ გაგაჩნია გრძნობები ყოფილი შეყვარებულის მიმართ?”

ეს არის ერთ-ერთი ყველაზე დიდი შეცდომა, რაც შეიძლება საუბრის დროს დაუშვათ, განსაკუთრებით კი ისეთ ადამიანთან, რომელიც ცოტა ხნის წინ გაიცანით.

თუ “ქრაში” გეუბნებათ, რომ მისი ყოფილი წარსულს ჩაბარდა, უბრალოდ შეეშვით.

3. “იდეალური ხარ!”

მიუხედავად იმისა, რომ კომპლიმენტი ყველასთვის სასიამოვნოა, ფრთხილად იყავით, ზედმეტი არ მოგივიდეთ.

და გახსოვდეთ – იდეალური არავინაა!

4. “ძალიან მომწონს შენი ყვითელი მაისური, გასულ სამშაბათს რომ გეცვა ის.”

ბუნებრივია, რომ ადამიანი, რომელიც ძალიან მოგწონთ, თქვენი ინტერესის ობიექტია და შესაბამისად მასთან დაკავშირებულ ყველა დეტალს აკვირდებით. თუმცა მსგავსი ფრაზებით შესაძლოა ადამიანი მარტივად შეაშინოთ, ამიტომ კომპლიმენტი უთხარით იმ სამოსის, ან აქსესუარის შესახებ, რომელიც თქვენს “ქრაშს” შეხვედრის დღეს აცვია.

5. ჩემი მშობლები რომ გიცნობდნენ, აუცილებლად მოეწონებოდი.

და ბოლოს, ფრაზა, რომლითაც შეიძლება ადამიანი ისე დააფთხოთ, რომ თქვენთან შეხვედრა მეორედ აღარ მოისურვოს.

ზედმეტი ზეწოლა არასდროსაა კარგი, ნუ აფიქრებინებთ ადამიანს, რომ თქვენი მიზანი გაცნობისთანავე პარტნიორის მშობლების გაცნობა და სერიოზული ურთიერთობის წამოწყებაა.