მილანში ამჟამად მოდის კვირეული იმართება, რომელშიც უამრავი სუპერმოდელი მონაწილეობს, თუმცა ცოტა ხნის წინ მსოფლიო დონის ბრენდების პოდიუმზე ქართველი მოდელებიც გამოჩნდნენ.
16 წლის ლიზა კობერიძის დებიუტი სწორედ მილანში, მოდის კვირეულის ფარგლებში გაიმართა. ახაგაზრდა მოდელი Dolce & Gabbana–ს ჩვენებაზე გამოვიდა და 2022 წლის გაზაფხული/ზაფხულის კოლექცია წარადგინა.
ლიზა სამოდელო სააგენტო “ნატალი”-ს წევრია. სააგენტოს კრეატიულმა დირექტორმა, მარიამ გიორგობიანმა სოციალურ ქსელში პოსტი გამოაქვეყნა, სადაც ლიზას წარმატებაზე ისაუბრა.
“ლიზა ნატალიდან / ნატალის ლიზა,12 წლის იყო როცა ნატალის დიდ ოჯახში შემოაბიჯა, დანახვის წუთიდან “Top გოგოს“ ვეძახდი. დიდი გზა გავიარეთ, დიდი შრომა ჩადო აქამდე რო მოვსულიყავით.ჯერ დავიწყეთ საქართველოთი (რადგან როგორც ნატა იტყოდა: ჯერ შენ ქვეყანაში უნდა შედგე და შემდეგ სხვაგან დაიმკვიდრო თავი), შემდეგ იტალია “Smart Bambina” იყო 13 წლის ლიზას მეტსახელი ☺️,შემდეგ დიდი ტოკიო, კორეა და ეხლა მილანი, ერთ-ერთი დიდი სააგენტოს წევრი გახდა და დღეს მილანის მოდის კვირეულს ამშვენებს ჩემი Top გოგო.”- წერს მარიამ გიორგობიანი.
