“ლეონარდო ესთეტიკსი“ არის ადგილი, სადაც გარანტირებულია უსაფრთხო, ეფექტური და ეფექტიანი მომსახურება. აქ მოსულ პაციენტებს შეუძლიათ მიიღონ სრული სპექტრის მომსახურება ესთეტიკურ სფეროში. აღნიშნულ ცენტრს გამოარჩევს პროფესიონალებით დაკომპლექტებული გუნდი, განსაკუთრებული დამოკიდებულება პაციენტების მიმართ და სტერილიზაციის ნორმების ზედმიწევნით დაცვა. დეტალური ინფორმაციისთვის OK! გაესაუბრა „ლეონარდო ესთეტიკსის“ დირექტორს, ორთოდონტსა და ყბა-სახის ქირურგს ნინო კიკილაშვილს.
ნინო, გვიამბეთ თქვენი საქმიანობის შესახებ.
ჩვენი სფერო გახლავთ ესთეტიკური მედიცინა, მომსახურების სრული სპექტრით: თმის მოცილების უახლესი მეთოდები, კოსმეტოლოგია, ინექციური კოსმეტოლოგია, სახის გაახალგაზრდავება ძაფებით.
გვესაუბრეთ „ლეონარდო ესთეტიკსის“ შექმნის შესახებ.
ესთეტიკური ცენტრის შექმნის იდეა ფაქტობრივად სპონტანურად დაიბადა. მე და მამაჩემი, ზურაბ კიკილაშვილი ვართ კოლეგები და გვქონდა საკუთარი სტომატოლოგიური კლინიკა. გადავწყვიტეთ, შეგვეძინა ეპილაციის აპარატი და სტომატოლოგიის ერთი ოთახი ამისთვის დაგვეთმო, რადგან ხშირად გვესმოდა პაციენტებისგან, რომ ვერ პოულობდნენ ადგილს, სადაც არ იღელვებდნენ სტერილიზაციის დაცვაზე და მომსახურების ხარისხზე. როცა აპარატს ვეძებდით, ვცდილობდით, რაღაც განსხვავებული შეგვერჩია, რაც შედეგიანი იქნებოდა და კონკურენციასაც გაუწევდა ჩვენს ბაზარზე არსებულ უამრავი სხვა კარგი ბრენდის აპარატს. უცხოელი კოლეგების რჩევით, მივაგენით ისრაელის კომპანია „ლეონარდოს“. როგორც აღმოჩნდა, კომპანიაც არაჩვეულებრივი ადამიანებით იყო დაკომპლექტებული, რომლებიც მუდმივად ნერგავენ სიახლეებს. ასე ვიპოვეთ უნივერსალური ფოტოეპილაციის აპარატი, რომელიც არა მხოლოდ თმის მოცილებას, არამედ სახის კანის გაახალგაზრდავებას, პიგმენტაციების, კუპეროზის სამკურნალო პროცედურებს და სტრიების მკურნალობასაც კი არაჩვეულებრივად ახერხებს.
რა სახის მომსახურებას სთავაზობთ კლიენტებს?
ჩვენთან პაციენტებს შეუძლიათ მიიღონ სრული სპექტრის მომსახურება ესთეტიკურ სფეროში. ჩაიტარონ თმის მოცილების პროცედურა სრულებით უმტკივნეულოდ, სწრაფად და ეფექტურად, ინექციური და არაინექციური კოსმეტოლოგიური პროცედურების სრული სპექტრი საიმედო და ხარისხიანი პროდუქციით.
მთავარი ნიშა, რაც „ლეონარდო ესთეტიკსს“ გამოარჩევს.
უპირველეს ყოვლისა, ეს არის გუნდი, რომელიც გარდა პროფესიონალიზმისა, მაქსიმალურად ორიენტირებულია პაციენტზე, ალბათ ყველა პაციენტი დამეთანხმება, ჩვენი ექიმების განსაკუთრებულ დამოკიდებულებაში თითოეული მათგანის მიმართ. მეორე არის მაღალი დონის აპარატურა და ზოგადად ყველა ტიპის პროდუქტი, რასაც ვიყენებთ მკურნალობისას. ვფიქრობ, მესამე და არანაკლებ მნიშვნელოვანია ის ფაქტი, რომ ჩვენთან წარბის საკორექციო პინცეტიც კი სტერილური და ერთჯერადად შეფუთულია.
გვესაუბრეთ ფასდაკლებებთან დაკავშირებით.
„ლეონარდო ესთეტიკსში“ ხშირად ვთავაზობთ ფასდაკლებას ჩვენს მომხმარებლებს სხვადასხვა სახის პროცედურებზე. ეს ინფორმაცია ყოველთვის განთავსდება ჩვენს Facebook და Instagram გვერდებზე. ფაქტობრივად ყოველ თვე არის ფასდაკლება შერჩეულ პროცედურებსა და ზონებზე.
სამომავლო გეგმები.
ძალიან გვინდა, გავხსნათ ფილიალი ბათუმში, საიდანაც ხშირად გვწერენ მომხმარებლები. ვცდილობთ, რაც შეიძლება სწრაფად მოხდეს ამ საკითხის ორგანიზება, თუმცა ქვეყანაში შექმნილი ზოგადი მდგომარეობა ჩვენზეც ისევე აისახა, როგორც ყველა სხვა ბიზნესსა თუ ადამიანზე.
მისამართი:
კლინიკა განთავსებულია ვაჟა-ფშაველას 15 ნომერში.
ტექსტი: მარიამ მთივლიშვილი
